മതിലില്‍ ചാരി വെച്ച ശിലാഫലകം ദേഹത്തേക്ക്​ മറിഞ്ഞു വീണ്​ അഞ്ചു വയസുകാരന്​ പരിക്ക്​. തിരുവല്ലയിലെ സ്വകാര്യ സ്ഥാപനത്തിലെ ജീവനക്കാരായ ആറാട്ടുപുഴ കറ്റുവെട്ടിക്കല്‍ വീട്ടില്‍ വിഷ്ണു - ശാലിനി ദമ്ബതികളുടെ മകന്‍ ഗൗതമിനാണ് ഫലകം മറിഞ്ഞു വീണ്​ ഇടതു കാല്‍ മുട്ടും തുടയെല്ലും പൊട്ടിയത്. ബുധനാഴ്ച ഉച്ചക്ക് 12 മണിയോടെയായിരുന്നു സംഭവം.

കുട്ടിയുടെ അമ്മയുടെ കുടുംബമായ ചെങ്ങന്നൂര്‍ പാണ്ടനാട് മാമ്മൂട്ടില്‍ പടിഞ്ഞാറെതില്‍ വീട്ടുമുറ്റത്ത് കളിച്ചു കൊണ്ടിരിക്കെ മതിലില്‍ ചാരി വെച്ചിരുന്ന ഫലകത്തിന്‍ കയറി പിടിക്കുകയും അത് തെന്നി വീഴുകയുമായിര​ുന്നു.

പാണ്ടനാട് ഗ്രാമപഞ്ചായത്ത്​ ഏഴാം വാര്‍ഡില്‍ തൊഴിലുറപ്പു പദ്ധതിയില്‍ ഉള്‍പ്പെടുത്തി നിര്‍മിക്കുന്ന തുണ്ടത്തില്‍പ്പടി -പള്ളിയോട കടവ് കോണ്‍ക്രീറ്റ് റോഡില്‍ സ്ഥാപിക്കാനായി വീടി​െന്‍റ മതിലില്‍ ചാരി വെച്ചിരുന്ന ശിലാഫലകമാണ്​ കുട്ടിയുടെ ദേഹത്തേക്ക്​ മറിഞ്ഞു വീണത്​.

ഫലകത്തിനടിയില്‍ അകപ്പെട്ട കുഞ്ഞിനെ നാട്ടുകാര്‍ രക്ഷപ്പെടുത്തി ചെങ്ങന്നൂര്‍ ജില്ലാ ആശുപത്രിയില്‍ എത്തിക്കുകയായിരുന്നു. സംഭവത്തില്‍ കുട്ടിയുടെ അമ്മാവന്‍ ശ്യാം പാണ്ടനാട് പഞ്ചായത്ത് സെക്രട്ടറിക്ക് പരാതി നല്‍കിയിട്ടുണ്ട്​. വിഷ്ണുവും ശാലിനിയും ജോലിക്കു പോകുമ്ബോള്‍ ഗൗതമിനെയും മൂന്നര വയസുകാരിയായ പിങ്കിയേയും ശാലിനിയുടെ വീട്ടില്‍ കൊണ്ടുവിട്ട ശേഷം വൈകീട്ട് തിരികെ ആറാട്ടുപുഴക്ക് മടങ്ങുമ്ബോള്‍ ഇരുവരേയും കുട്ടുകയാണ് പതിവ്.