വിമാനത്താവളത്തില് ഐക്യം; കേന്ദ്ര സര്ക്കാരിനെതിരെ പ്രമേയം പാസായി; കണ്സള്ട്ടന്സി നല്കിയതില് പ്രതിഷേധം രേഖപ്പെടുത്തി പ്രതിപക്ഷം; മറുപടി പറഞ്ഞ മുഖ്യമന്ത്രി പൊട്ടിത്തെറിച്ചു;
ഒരു ദിവസത്തെ നിയസഭാ സമ്മേളനം ചൂടുപിടിക്കുകയാണ്. ആദ്യം പരിഗണിച്ച തിരുവനന്തപുരം വിമാനത്താവള പ്രമേയത്തില് പ്രതിപക്ഷവും ഭരണപക്ഷവും ഐക്യത്തിലെത്തിയെങ്കിലും ഈ വിഷയത്തിലും പ്രതിപക്ഷ നേതാവും മുഖ്യമന്ത്രിയും നടത്തിയത് രൂക്ഷമായ വാദപ്രതിവാദം. അതെ സമയം തലസ്ഥാനത്തെ വിമാനത്താവളം സ്വകാര്യവല്ക്കരിക്കാനുള്ള കേന്ദ്രസര്ക്കാര് തീരുമാനം പുനഃപരിശോധിക്കണം എന്നാവശ്യപ്പെട്ടു കൊണ്ടുള്ള പ്രമേയം സഭ ഐകകണ്ഠ്യേന പാസാക്കി. മുഖ്യമന്ത്രി പിണറായി വിജയനാണ് പ്രമേയം നിയമസഭയില് അവതരിപ്പിച്ചത്. വിമാനത്താവളത്തിന്റെ മേല്നോട്ടവും നടത്തിപ്പും സംസ്ഥാന സര്ക്കാരിനു പങ്കാളിത്തമുള്ള സ്പെഷല് പര്പ്പസ് വെഹിക്കിളിനു(എസ്പിവി) നല്കണമെന്നു കേരള നിയമസഭ കേന്ദ്രസര്ക്കാരിനോട് അഭ്യര്ഥിച്ചു.
പ്രമേയം വിമാനത്താവളത്തിന്റെ കണ്സള്ട്ടന്സി അദാനിക്കു ബന്ധമുള്ള സിറില് അമര്ചന്ദ് മംഗല്ദാസ് കമ്പനിക്കു നല്കിയതിനെ രൂക്ഷമായ ഭാഷയിലാണ് പ്രതിപക്ഷനേതാവ് വിമര്ശിച്ചുത്. ഒരേ സമയം അദാനിയെ എതിര്ക്കുകയും രഹസ്യമായി പിന്തുണയ്ക്കുകയും ചെയ്യുകയാണ് സര്ക്കാരെന്നു പ്രതിപക്ഷ നേതാവ് ആരോപിച്ചു. ഇത് ജനങ്ങളോടുള്ള കൊടിയ വഞ്ചനയാണ്.പ്രതിപക്ഷം സ്വകാര്യമേഖലയ്ക്ക് എതിരല്ല. അദാനിയെ സഹായിക്കാന് ഗൂഢാലോചന നടന്നതി. സിയാലിനെ കണ്സള്ട്ടന്റ് ആക്കാത്തത് എന്തുകൊണ്ടെന്ന് രമേശ് ചെന്നിത്തല ചോദിച്ചു. അദാനിയെ സഹായിക്കാനാണ് കണ്സള്ട്ടന്സി അദാനിക്കു ബന്ധമുള്ള സിറില് അമര്ചന്ദ് മംഗല്ദാസ് കമ്പനിക്ക് നല്കിയത്. ഇതില് ഗൂഢാലോചന നടന്നു. അതെസമയം പ്രമേയത്തിന്റെ അന്തസത്ത ഉള്ക്കൊള്ളുന്നുവെന്നും അദ്ദേഹം കൂട്ടിച്ചേര്ത്തു. സംസ്ഥാന താത്പര്യം മുന്നിര്ത്തി പ്രമേയത്തെ പിന്തുണക്കുന്നുവെന്ന് പ്രതിപക്ഷ നേതാവ്.
ലേലത്തില് നിരക്കു നിശ്ചയിച്ചത് സിറില് അമര്ചന്ദ് മംഗല്ദാസ് അല്ലെന്നും സര്ക്കാരിന്റെ വിദഗ്ധസമിതിയാണെന്നും മുഖ്യമന്ത്രി പറഞ്ഞു. മറ്റാര്ക്കും അതില് പങ്കില്ല. പ്രമുഖ നിയമസ്ഥാപനമാണ് സിറില് അമര്ചന്ദ് മംഗല്ദാസ്. ആ സ്ഥാപനത്തിനു നിയമപരമായ വിഷയങ്ങള് കൈകാര്യം ചെയ്യാന് കഴിയുമോ എന്നാണ് സര്ക്കാര് നോക്കിയത്. നിയമപരമായ കാര്യങ്ങള് മാത്രമാണ് അവരെ ഏല്പ്പിച്ചത്. വിമാനത്താവള വിഷയത്തില് നിര്ഭാഗ്യകരമായ പരാമര്ശമാണ് പ്രതിപക്ഷത്തിന്റെ ഭാഗത്തുനിന്നുണ്ടായതെന്നു മുഖ്യമന്ത്രി പറഞ്ഞു. അവരവരുടെ ശീലം വച്ച് മറ്റുള്ളവരെ അളക്കുന്നതിന്റെ പ്രശ്നമാണിത്. രഹസ്യമായി ഒരു നിലയും പരസ്യമായി മറ്റൊരു നിലയും സ്വീകരിച്ചവര്ക്ക് എല്ലാവരും അങ്ങനെയാണെന്നു തോന്നും. അങ്ങനെ അല്ലാത്തവരും നാട്ടിലുണ്ട്. കള്ളത്തരം പ്രവര്ത്തിച്ച് മേല്കൈ നേടാം എന്നു കരുതിയാണ് പ്രതിപക്ഷം പ്രവര്ത്തിക്കുന്നതെന്നും മുഖ്യമന്ത്രി പറഞ്ഞു.
വിമാനത്താവളത്തിന്റെ സ്വകാര്യവല്ക്കരണ തീരുമാനം സംസ്ഥാനത്തെ ജനങ്ങളുടെ പൊതുവികാരത്തിന് അനുസൃതമല്ല എന്ന് പ്രധാനമന്ത്രിയെ കത്തിലൂടെ അറിയിച്ചിരുന്നു. പൊതുമേഖലയില് നിലനിന്നപ്പോള് വിമാനത്താവളത്തിനു നല്കിയ സഹായസഹകരണങ്ങള് സ്വകാര്യവല്ക്കരിക്കപ്പെടുന്ന വിമാനത്താവളത്തിനു നല്കാന് കഴിയില്ല എന്നും അറിയിച്ചിട്ടുണ്ട്. രാഷ്ട്രീയകക്ഷി നേതാക്കളുടെ യോഗത്തില് ഉയര്ന്ന വികാരവും പ്രധാനമന്ത്രിയെ അറിയിച്ചിട്ടുണ്ട്. അദാനി എന്റര്െ്രെപസസ് നല്കാന് തയാറായ തുക സംസ്ഥാന സര്ക്കാര് നല്കാമെന്നു സമ്മതിച്ചിട്ടും വിമാനത്താവളം സ്വകാര്യവല്ക്കരിക്കാനുള്ള തീരുമാനം എടുത്തതിനു യാതൊരു നീതികരണവുമില്ലെന്നും മുഖ്യമന്ത്രി പറഞ്ഞു. മുഖ്യമന്ത്രിയുടെ പ്രസംഗത്തിനിടെ നിയമസഭക്കുള്ളില് പ്രതിപക്ഷാംഗങ്ങള് ശബ്ദമുണ്ടാക്കിയത് മുഖ്യമന്ത്രിയുടെ വിമര്ശനത്തിനിടയാക്കി. പ്രതിപക്ഷം കാട്ടുന്നത് അമിതാവേശമാണെന്നും മറുകേള്ക്കാന് അവര്ക്ക് താല്പര്യമില്ലെന്നും മര്യാദ കാണിക്കണെന്നും മുഖ്യമന്ത്രി പ്രതിപക്ഷ നിരയെ നോക്കി പറഞ്ഞു.
https://www.facebook.com/Malayalivartha
