വിളകള് നശിപ്പിക്കുന്ന വന്യജീവിയെ വെടിവച്ചു കൊല്ലാന് ഉപാധികളോടെ അനുമതി ലഭിച്ച പഞ്ചായത്തില് കാട്ടുപന്നിയെ വെടിവച്ചു കൊന്നു
കാര്ഷിക വിളകള് നശിപ്പിക്കുന്ന കാട്ടുപന്നിയെ ഉപാധികളോടെ വെടിവച്ചു കൊല്ലാന് അനുമതി ലഭിച്ച കോടഞ്ചേരി പഞ്ചായത്തില് കൃഷിയിടത്തിലിരങ്ങിയ കാട്ടുപന്നിയെ കഴിഞ്ഞ ദിവസം രാത്രിയില് വെടിവച്ചു കൊന്നു.
ഇന്നലെ പുലര്ച്ചെ മൂന്നിനാണ് കാഞ്ഞിരാട് കുന്നുംപുറത്ത് തങ്കച്ചന്് സ്വന്തം കൃഷിയിടത്തില് ഇറങ്ങിയ കാട്ടുപന്നിയെ വെടിവച്ചു കൊന്നത്. 60 കിലോ തൂക്കമുള്ള ആണ് പന്നിയായിരുന്നു.
പഞ്ചായത്ത് പ്രസിഡന്റ് ലിസി ചാക്കോ, വാര്ഡ് മെംബര് റൂബി തമ്പി എന്നിവരുടെ സാന്നിധ്യത്തില് ഇടത്തറ സെക്ഷന് ഫോറസ്റ്റ് ഓഫിസര് എ.പ്രസന്നകുമാര്, സെക്ഷന് ഫോറസ്റ്റ് ഓഫിസര് പി.ബഷീര് എന്നിവര് ജഡം പരിശോധിച്ച് മഹസര് തയാറാക്കി തങ്കച്ചന്റെ കൃഷിയിടത്തില് തന്നെ മറവ് ചെയ്തു.
കൊല്ലാന് അനുമതി ലഭിച്ചശേഷം രണ്ട് മാസത്തിനുള്ളില് നാലാമത്തെ കാട്ടുപന്നിയെയാണ് ഇവിടെ വെടിവച്ചു കൊന്നത്. കുന്നുംപുറത്ത് തങ്കച്ചന് ഇത് രണ്ടാമത്തെ കാട്ടുപന്നിയെയാണ് വെടിവച്ചു കൊല്ലുന്നത്.
https://www.facebook.com/Malayalivartha
