പത്തനംതിട്ടയിലെ കോന്നി വകയാർ കേന്ദ്രമാക്കി സ്വ​കാ​ര്യ​മേ​ഖ​ല​യി​ല്‍ പ്ര​വ​ര്‍ത്തി​ക്കു​ന്ന സം​സ്​​ഥാ​ന​ത്തെ മു​ന്‍നി​ര ധ​ന​കാ​ര്യ സ്ഥാ​പ​ന​മാ​യ പോപുലർ ഫിനാനസ് പ്രൈവറ്റ് ലിമിറ്റഡ് എന്ന സ്ഥാപനത്തിനെതിരെ നൂറോളം പരാതികൾ ഉയരുന്നതിനിടയിൽ ഉടമ കോടികളുമായി മുങ്ങിയാതായി റിപ്പോർട്ടുകൾ. ഏതാണ്ട് പത്ത് കോടിയിലധികം രൂപയാണ് നിക്ഷേപകരിൽ നിന്ന് തട്ടിച്ച് എടുത്തിരിക്കുന്നതെന്നാണ് വിവരം.

അതേസമയം സംസ്ഥാനത്തും പു​റ​ത്തു​മാ​യി 350 ഓ​ളം ശാ​ഖ​ക​ളു​ള്ള സ്​​ഥാ​പ​ന​ത്തി​ലെ നൂ​റു​ക​ണ​ക്കി​ന് നി​ക്ഷേ​പ​ക​രാ​ണ്​ പ​ണം മ​ട​ക്കി​ക്കി​ട്ടു​ന്നില്ലെ​ന്ന പ​രാ​തി​യു​മാ​യി പൊ​ലീ​സ്​ സ്​​റ്റേ​ഷ​നു​ക​ളി​ലെ​ത്തു​ന്ന​ത്. 5,000 മുതൽ 18 ലക്ഷം വരെ നിക്ഷേപിച്ചവരും ഇവർക്കിടയിലുണ്ട്. എട്ട് കോടിയിലധികം രൂപയുടെ ക്രമക്കേടുകൾ നടന്നതായാണ് പ്രാഥമിക വിവരം. 45 പേരുടെ പരാതിയിൽ കോന്നി പൊലീസ് എഫ്ഐആർ റജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിൽ നിന്നുള്ള പരാതികളാണ് ഇപ്പോൾ ലഭിച്ചിട്ടുള്ളത്.

സ്ഥാപന ഉടമ വകയാർ ഇണ്ടിക്കാട്ടിൽ തോമസ് ഡാനിയൽ,( റോയി ഡാനിയൽ) ഭാര്യ പ്രഭ ഡാനിയൽ എന്നിവർക്കെതിരെയാണ് കേസെടുത്തിരിക്കുന്നത്. ഇതിനിടെ, റോയി ഡാനിയൽ ഷാർജയിലേക്കു കടക്കാൻ ശ്രമിക്കുന്നതായി വിവരം ലഭിച്ചതിന്റെ അടിസ്ഥാനത്തിൽ പൊലീസ് എല്ലാ വിമാനത്താവളങ്ങളിലും ബ്യൂറോ ഓഫ് എമിഗ്രേഷനിലും വിവരം നൽകിയിട്ടുണ്ട്.

ഒരു മാസം മുൻപ് സ്ഥാപനത്തെ സംബന്ധിച്ച് പരാതികൾ ഉയർന്നതിനെത്തുടർന്ന് വകയാറിലെ വീട്ടിൽ നിന്ന് റോയി ഡാനിയലും കുടുംബവും താമസം മാറിയിരുന്നു. എന്നാൽ സ്ഥാപനം പ്രവർത്തിക്കുന്നുണ്ടെന്നാണ് പരാതിക്കാർ വ്യക്തമാക്കിയത്.

കോ​വി​ഡ് പ്ര​തി​സ​ന്ധി​യെ തു​ട​ര്‍ന്ന് നി​ക്ഷേ​പ​ക​ര്‍ക്ക് മാ​സം തോ​റും ന​ല്‍കി​വ​ന്ന പ​ലി​ശ തു​ക ക​ഴി​ഞ്ഞ അ​ഞ്ചു​മാ​സ​മാ​യി മു​ട​ങ്ങി. ഇ​തോ​ടെ നി​ക്ഷേ​പ​ക​ര്‍ കൂ​ട്ട​ത്തോ​ടെ ത​ങ്ങ​ളു​ടെ മു​ത​ലും പ​ലി​ശ​യും തി​രി​കെ ആ​വ​ശ്യ​പ്പെ​ട്ട​തോ​ടെ​യാ​ണ് വ​ര്‍ഷ​ങ്ങ​ളു​ടെ പ്ര​വ​ര്‍ത്ത​ന പാ​ര​മ്പ​ര്യ​മു​ള്ള സ്​​ഥാ​പ​നം പ്ര​തി​സ​ന്ധി​യി​ലാ​യ​ത്.

നിക്ഷേപകരിൽ പലരും പണം മടക്കി ചോദിച്ച് എത്തിയതോടെ ജീവനക്കാരുമായി വാക്കേറ്റവും ബഹളവും നടന്നിരുന്നു. സ്ഥാപനത്തിലെ പുറത്തിറക്കാതെയും നിക്ഷേപകർ പ്രതിഷേധിച്ചു. 45 ദിവസത്തിനകം എല്ലാവർക്കും പണം മടക്കി നൽകാമെന്ന് കടലാസിൽ എഴുതി നൽകി മടക്കി അയയ്ക്കുകയായിരുന്നു. ഇപ്പോൾ 10 ദിവസമായി സ്ഥാപനം അടച്ചിട്ട നിലയിലാണ്.

അതേസമയം സ്ഥാപനത്തിന്റെ ബ്രാ​ഞ്ചു​ക​ളിൽ പ​ല​തും ഇ​പ്പോ​ൾ തു​റ​ക്കാ​താ​യി​ട്ടു​ണ്ട്. കേ​ര​ള​ത്തി​ന് പു​റ​മെ ത​മി​ഴ്‌​നാ​ട്, ക​ര്‍ണാ​ട​ക, മ​ഹാ​രാ​ഷ്​​ട്ര, ഹ​രി​യാ​ന എ​ന്നീ സം​സ്ഥാ​ന​ങ്ങ​ളി​ലും ബ്രാ​ഞ്ച് ഓ​ഫി​സു​ക​ളു​ണ്ട്. പ​ണ​യ സ്വ​ര്‍ണം വീ​ണ്ടെ​ടു​ക്കാ​ന്‍ ബ്രാ​ഞ്ച് ഓ​ഫി​സു​ക​ളി​ല്‍ എ​ത്തു​ന്ന ഇ​ട​പാ​ടു​കാ​ർ​ക്ക്​ ത​ങ്ങ​ളു​ടെ സ്വ​ര്‍ണം മ​ട​ക്കി ല​ഭി​ക്കു​ന്നി​ല്ലെ​ന്ന പ​രാ​തി​യും ഉ​യ​രു​ന്നു.

അതേസമയം റോയിയും കുടുംബാംഗങ്ങളും പോകാൻ തടസ്സമുണ്ടായതിനെ തുടർന്ന് വിമാനത്താവളത്തിൽ നിന്ന് മടങ്ങിയെന്ന വാർത്തയും ഇതിനിടെ പുറത്തു വരുന്നുണ്ട്. സംസ്ഥാനത്തിന് പുറത്ത് മറ്റേതെങ്കിലും വിമാനത്താവളത്തിൽ നിന്നും വിദേശത്തേക്ക് കടക്കാൻ സാധ്യതയുണ്ടെന്നും നിക്ഷേപകർ കണക്കു കൂട്ടുന്നു.