ഇക്കഴിഞ്ഞ രണ്ടാം തീയതി മുട്ടത്തറ സ്വദേശിനിയായ കെ.പി.സി.സി. അംഗം ലീനയുടെ വീട് ആക്രമിച്ച കേസില്‍ മകന്‍ ലിഖിന്‍ കൃഷ്ണ(21)നെ പൂന്തുറ പോലീസ് അറസ്റ്റ് ചെയ്തു. കൊടിമരം സ്ഥാപിക്കുന്നതുമായി ബന്ധപ്പെട്ടു രാഷ്ട്രീയ എതിരാളികളുമായി തര്‍ക്കമുണ്ടായിരുന്നെന്നും അവരെ കുടുക്കാനാണ് ആക്രമണം നടത്തിയതെന്നും ലിഖില്‍ സമ്മതിച്ചെന്ന് സിറ്റി പോലീസ് കമ്മിഷണര്‍ ബല്‍റാംകുമാര്‍ ഉപാദ്ധ്യായ.

പൂന്തുറ എസ്എച്ച്ഒ: ബി.എസ്. സജികുമാര്‍, എസ്.ഐ: ബിനു എന്നിവരുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്. കെ.എസ്.യു പ്രവര്‍ത്തകനായ ലിഖിന്‍ അടുത്തിടെ സെക്രട്ടേറിയറ്റിന്റെ മതില്‍ ചാടിക്കടന്ന കേസിലും പ്രതിയാണ്.

വെഞ്ഞാറമൂട്ടില്‍ രണ്ടു സി.പി.എം പ്രവര്‍ത്തകരെ കൊലപ്പെടുത്തിയശേഷവും കോണ്‍ഗ്രസ് അക്രമപരമ്പര തുടരുകയാണെന്ന് കുറ്റപ്പെടുത്തിയ മന്ത്രി കടകംപള്ളി സുരേന്ദ്രന്‍, ലീനയുടെ വീട് സിപിഎം പ്രവര്‍ത്തകര്‍ അടിച്ചുതകര്‍ത്തെന്ന് ആരോപിച്ച പ്രതിപക്ഷ നേതാവും കെ.പി.സി.സി അധ്യക്ഷനും മുന്‍ മുഖ്യമന്ത്രിയും ഉള്‍പ്പെടെയുള്ളവര്‍ മാപ്പുപറയണമെന്ന് ആവശ്യപ്പെട്ടു.