അറബിക്കടലില് ന്യൂനമര്ദം ....കേരളത്തില് ശക്തമായ മഴയ്ക്കു സാധ്യതയെന്ന് കാലാവസ്ഥാ നിരീക്ഷണകേന്ദ്രം, ഇന്നു മുതല് വ്യാഴാഴ്ചവരെ വിവിധ ജില്ലകള്ക്ക് യെല്ലോ അലേര്ട്ട് പ്രഖ്യാപിച്ചു
അറബിക്കടലില് ന്യൂനമര്ദം രൂപപ്പെട്ടത് കേരളത്തില് ശക്തമായ മഴയ്ക്കു വഴിയൊരുക്കുമെന്ന് കാലാവസ്ഥാ നിരീക്ഷണകേന്ദ്രം. ശനിയാഴ്ച രാത്രിമുതല് തെക്കന് കേരളത്തില് ശക്തമായ മഴയുണ്ടായി.തിങ്കളാഴ്ചമുതല് വ്യാഴാഴ്ചവരെ വിവിധ ജില്ലകള്ക്ക് മഞ്ഞജാഗ്രത പ്രഖ്യാപിച്ചിട്ടുണ്ട്.
ഉയര്ന്ന തിരമാലയ്ക്കും കടലേറ്റത്തിനും ബുധനാഴ്ചവരെ സാധ്യതയുണ്ടെന്ന് ദേശീയ സമുദ്രസ്ഥിതിപഠനഗവേഷണകേന്ദ്രവും മുന്നറിയിപ്പ് നല്കി.തിങ്കളാഴ്ച മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകള്ക്കും ചൊവ്വാഴ്ച പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂര്, പാലക്കാട്, മലപ്പുറം ജില്ലകള്ക്കും മഞ്ഞജാഗ്രത പ്രഖ്യാപിച്ചിട്ടുണ്ട്. ഈ ജില്ലകളിലെ താഴ്ന്നപ്രദേശങ്ങള്, നദീതീരങ്ങള്, ഉരുള്പൊട്ടല്-മണ്ണിടിച്ചില് സാധ്യതയുള്ള പ്രദേശങ്ങള് എന്നിവിടങ്ങളില് ജാഗ്രത പാലിക്കണം.
https://www.facebook.com/Malayalivartha