ശത്രുക്കളുടെ സഹായത്താല്‍ മഹാരാഷ്ട്ര രാഷ്ട്രീയത്തില്‍ പുത്തന്‍ താരോദയം; . അവിടുത്തെ ഭരണകൂടത്തിന്റെ നാശത്തിനു അവര്‍ തന്നെ വിത്ത് പാകി; സഹോദരിയുടെ ചങ്കൂറ്റത്തിന് മുന്നില്‍ നമിക്കുന്നു; കങ്കണ റണാവത്തിനെ പിന്തുണച്ച് നടന്‍ കൃഷ്ണകുമാര്‍
ബോളിവുഡ് താരം കങ്കണ റണാവത്തിന്റെ ഓഫീസ് കെട്ടിടം ഇടിച്ചുതകര്‍ത്ത സംഭവത്തില്‍ നടിയ്ക്ക് പിന്തുണയുമായി പലരും രംഗത്ത് വന്നിരുന്നു. ഇപ്പോൾ നടന്‍ കൃഷ്ണകുമാര്‍ പിന്തുണഅറിയിച്ച് രംഗത്ത് എത്തിയിരിക്കുകയാണ്. കെട്ടിടങ്ങള്‍ ഇടിച്ചതിലൂടെ താരത്തിന്റെ ഇമേജ് വളര്‍ത്തി വാനോളം വളര്‍ത്തിക്കൊടുത്തെന്നും, 24 മണിക്കൂര്‍ നോട്ടീസ് കൊടുത്തു കെട്ടിടം ഇടിക്കുന്ന ആ ശുഷ്‌കാന്തി കാണാതിരിക്കാന്‍ പറ്റുന്നില്ലെന്നും അദ്ദേഹം ഫേസ്ബുക്ക് കുറിപ്പില്‍ പറയുന്നു. ബൃഹന്‍ മുംബയ് മുനിസിപ്പല്‍ കോര്‍പ്പറേഷന്‍ കഴിഞ്ഞ ദിവസമാണ് കങ്കണയുടെ ഓഫീസ് കെട്ടിടം തകര്‍ത്തത്. കെട്ടിടം പൊളിക്കുന്നത് ബോംബെ ഹൈക്കോടതി കഴിഞ്ഞ ദിവസം സ്‌റ്റേ ചെയ്തിരുന്നു. അനധികൃത നിര്‍മാണം ആരോപിച്ചായിരുന്നു കോര്‍പ്പറേഷന്‍ അധികൃതര്‍ കെട്ടിടം പൊളിച്ചത്. ഫേസ്ബുക്ക് പോസ്റ്റിന്റെ പൂര്‍ണ്ണരൂപം ഇങ്ങനെ;
കങ്കണ റണാവത്ത്... ശത്രുക്കളുടെ സഹായത്താല്‍ മഹാരാഷ്ട്ര രാഷ്ട്രീയത്തില്‍ പുത്തന്‍ താരോദയം. കെട്ടിടങ്ങള്‍ ഇടിച്ചു പക്ഷെ ഇമേജ് വളര്‍ത്തി കൊടുത്തു വാനോളം.. 24 മണിക്കൂര്‍ നോട്ടീസ് കൊടുത്തു കെട്ടിടം ഇടിക്കുന്ന ആ ശുഷ്‌കാന്തി കാണാതിരിക്കാന്‍ പറ്റുന്നില്ല. അതും കൊവിഡ് കാലത്തു. അവിടുത്തെ ഭരണകൂടത്തിന്റെ നാശത്തിനു അവര്‍ തന്നെ വിത്ത് പാകി.. സഹോദരിയുടെ ചങ്കൂറ്റത്തിന് മുന്നില്‍ നമിക്കുന്നു കാത്തിരുന്നു കാണാം.. കങ്കണയോടൊപ്പം.
https://www.facebook.com/Malayalivartha
