മന്ത്രി കെ.ടി ജലീലിന്റെ രാജി ആവശ്യപ്പെട്ട് സെക്രട്ടേറിയറ്റിനു മുന്നില് പ്രതിപക്ഷ പാര്ട്ടികളുടെ പ്രതിഷേധം അക്രമാസക്തമായി... ജലീലിനെ ഇഡി ചോദ്യം ചെയ്തതിന് പിന്നാലെയാണ് അദ്ദേഹത്തിന്റെ രാജി ആവശ്യപ്പെട്ട് പ്രതിപക്ഷ സംഘടനകള് തെരുവിലിറങ്ങിയത്
മന്ത്രി കെ.ടി ജലീലിന്റെ രാജി ആവശ്യപ്പെട്ട് സെക്രട്ടേറിയറ്റിനു മുന്നില് പ്രതിപക്ഷ പാര്ട്ടികളുടെ പ്രതിഷേധം. കോണ്ഗ്രസും ബിജെപിയും നടത്തിയ പ്രതിഷേധം അക്രമാസക്തമായി. ബാരിക്കേട് തള്ളിമാറ്റാന് ശ്രമിച്ച യൂത്ത്കോണ്ഗ്രസ് പ്രവര്ത്തകര്ക്ക് നേരേ പോലീസ് ജലപീരങ്കി പ്രയോഗിച്ചു. ഉന്തുംതള്ളുമുണ്ടായതോടെ യൂത്ത് കോണ്ഗ്രസ് പ്രവര്ത്തകര്ക്ക് നേരെ പോലീസ് ലാത്തിവീശി. നിരവധി പ്രവര്ത്തകര്ക്ക് പരിക്കേറ്റിട്ടുണ്ട്. അവരെ ആശുപത്രിയിലേക്ക് മാറ്റി. നാല് തവണ പോലീസ് ജല പീരങ്കി പ്രയോഗിച്ചു.
സംസ്ഥാന അധ്യക്ഷന് കെ. സുരേന്ദ്രന്റെ നേതൃത്വത്തിലായിരുന്നു ബിജെപി മാര്ച്ച്. ജലീലിന്റെ രാജി ആവശ്യപ്പെട്ട് ശനിയാഴ്ച മുതല് സംസ്ഥാന വ്യാപകമായ പ്രതിഷേധ സമരത്തിന് ബിജെപി നേതൃത്വം നല്കുമെന്ന് സുരേന്ദ്രന് മാധ്യമങ്ങളോട് പറഞ്ഞു. ജലീലിനെ ഇഡി ചോദ്യം ചെയ്തതിന് പിന്നാലെയാണ് അദ്ദേഹത്തിന്റെ രാജി ആവശ്യപ്പെട്ട് പ്രതിപക്ഷ സംഘടനകള് തെരുവിലിറങ്ങിയത്. ജലീലിന്റെ മലപ്പുറത്തെ വീടിന്റെ മുന്നിലും പ്രതിഷേധം അരങ്ങേറി.
"
https://www.facebook.com/Malayalivartha
