കോഴിക്കോട് വിമാനത്താവളത്തില് യാത്രക്കാരനില്നിന്നും 16 ലക്ഷത്തിന്റെ വിദേശ കറന്സി പിടികൂടി
കോഴിക്കോട് വിമാനത്താവളത്തിലെത്തിയ കാസര്കോട് സ്വദേശിയായ യാത്രക്കാരനില്നിന്നും 16.10 ലക്ഷം ഇന്ത്യന് രൂപയ്ക്കു തുല്യമായ വിദേശ കറന്സികള് പിടിച്ചു. അബ്ദുല് സത്താര് എന്ന യാത്രക്കാരനില്നിന്നാണ് സിഐഎസ്എഫ് ഉദ്യോഗസ്ഥര് കറന്സി പിടിച്ചത്. വന്ദേഭാരത് മിഷന്റെ ഭാഗമായുള്ള എയര് ഇന്ത്യ എക്സ്പ്രസ് വിമാനത്തില് ദുബായിലേക്കു പോകാന് എത്തിയതായിരുന്നു യാത്രക്കാരന്.
സൗദി റിയാല്, ഖത്തര് റിയാല്, യുഎഇ ദിര്ഹം, ഒമാന് റിയാല് എന്നിവയാണ് സിഐഎസ്എഫ് ഉദ്യോഗസ്ഥരായ ഷെയ്ക് ജാനി ബാബു, എം.സുധീഷ് എന്നിവര് നടത്തിയ പരിശോധനയില് ഹാന്ഡ് ബാഗില്നിന്നും കണ്ടെടുത്തത്. തുടര് നടപടികള്ക്കായി സത്താറിനെ കസ്റ്റംസിനു കൈമാറി.
സിഐഎസ്എഫ് സ്പെഷല് ഡയറക്ടര് ജനറല് എം.എ.ഗണപതി പണം പിടികൂടിയ ഉദ്യോഗസ്ഥര്ക്ക് 5,000 രൂപ വീതം അവാര്ഡ് പ്രഖ്യാപിച്ചതായി സിഐഎസ്എഫ് ഡപ്യൂട്ടി കമന്ഡാന്റ് എ.വി.കിഷോര് കുമാര് അറിയിച്ചു.
https://www.facebook.com/Malayalivartha