വെള്ളനാട് വില്ലേജിൽ കുളക്കോട് വാർഡിൽ കുളക്കോട് കിഴക്കുംകര പുത്തൻവീട്ടിൽ താമസം കൊച്ചപ്പി മകൻ 67വയസുള്ള സദാശിവനെ കൊലപെടുത്തിയ കേസിലെ മകനായ പ്രതി കുറ്റക്കാരനെന്ന് കോടതി.വെള്ളനാട് വില്ലേജിൽ കുളക്കോട് വാർഡിൽ കുളക്കോട് കിഴക്കുംകര പുത്തൻവീട്ടിൽ താമസകാരൻ സജീവ് (38) പ്രതി.തിരുവനന്തപുരം ഫസ്റ്റ് അഡീഷണൽ സെഷൻസ് ജഡ്ജ് കെ പി. അനിൽ കുമാർ കൊലപാതക കുറ്റം കണ്ടെത്തിയത്

കേസിനാസ്പദമായ സംഭവം ഇങ്ങനെ : പ്രതി ആദ്യ ഭാര്യയേയും, മക്കളെയും ഉപേക്ഷിച്ച് വീണ്ടും രണ്ട് മക്കളുള്ള മറ്റൊരു സ്ത്രീയെ വിവാഹം കഴിച്ച് കൃത്യ വീട്ടിൽ കൊണ്ടുവന്ന് താമസിക്കുന്നത് മരണപ്പെട്ട സദാശിവൻ ചോദ്യം ചെയ്തതിനുള്ള വിരോധ നിമിത്തം ഒന്നാം സാക്ഷിയുടെ ഭർത്താവും പ്രതിയുടെ അച്ഛനുമായ സദാശിവനെ അടിച്ചു കൊലപ്പെടുത്തണമെന്നുള്ള ഉദ്ദേശത്തോടും കരുതലോടും കൂടി പ്രതി 9. 2 .2019 തീയതി ഉച്ചയ്ക്ക് 2.30 മണിക്ക് വീടിൽ വച്ച അപകടകരമായ സ്റ്റീൽ പൈപ്പ് കൊണ്ട് സദാശിന്റെ തലയ്ക്ക് അടിച്ചു തറയിൽ തള്ളിയിട്ടും തറയിൽ വീണു കിടന്ന സദാശിവന്റെ നെഞ്ചിൽ പ്രതി ചവിട്ടിയതിലും ഇടിച്ചതിലും വച്ച് ഗുരുതരമായി പരിക്കുകൾ ഏറ്റ് സദാശിവൻ വിദഗ്ധ ചികിത്സ നൽകാതെ പേരിന് ആശുപത്രികൾ കൊണ്ടുപോയ ശേഷം തിരികെ വീട്ടിൽ കൊണ്ടുവന്ന് മരണം ഉറപ്പുവരുത്തി 10.2. 2019 തീയതി ഉച്ചയ്ക്ക്12.17 മണിക്ക് തിരുവനന്തപുരം മെഡിക്കൽ കോളേജിൽ എത്തിച്ച് പരിശോധിച്ച സമയം ടിയാന് ഏറ്റ പരുക്കുകളുടെ കാഠിന്യത്തിൽ മരണപ്പെടുന്നതിന് ഇടയാക്കി.തലയ്ക്കും നെഞ്ചിനും ഏറ്റ മുറിവുകളാണ് മരണകാരണം ആയത്.

സംഭവം നേരിൽ കണ്ട പ്രതിയുടെ രണ്ടാം ഭാര്യയെയും രണ്ട് മക്കളുമാണ്. കൃത്യ സമയം മൈനറായ മകൾ ഒഴികെയുള്ള മറ്റു സാക്ഷികൾ കൂറു മാറുകയും ചെയ്തു.കേസിലെ പ്രധാനപ്പെട്ട സാക്ഷികളായ പ്രതിയുടെ അമ്മ, അടുത്ത ബന്ധുവും അയൽവാസി എന്നിവർ കൂറുമാറിയ കൂട്ടത്തിൽ ഉൾപ്പെടുന്നവരാണ്. സംഭവത്തിന് ശേഷം മുതൽ തന്നെ പ്രതിയും പ്രതിയുടെ രണ്ടാം ഭാര്യയും മറ്റും കൊല്ലപ്പെട്ട സദാശിവൻ കിണറിനു വേണ്ടി കുഴിച്ച കുഴിയിൽ വീണ് പരിക്കേറ്റേനെ തുടർന്നുണ്ടായ മുറിവുകളാണ് എന്ന് വരുത്തി തീർക്കാൻ ശ്രമിച്ചിട്ടുള്ളതാണ്. നാട്ടുകാരോടും, പോലീസിനോടും അപ്രകാരമാണ് അവർ പറഞ്ഞിരുന്നത് .ആയത് സാധൂകരിക്കാൻ സദാശിവനെ ആശുപത്രിയിൽ കൊണ്ടുപോകുന്ന വേളയിൽ തോട്ടിൽ നിന്നും വെള്ളമെടുത്ത് സദാശിവന്റെ തലവഴി ഒഴുക്കുകയും ചെയ്തിരുന്നു എന്നാൽ പ്രതി ഏല്പിച്ച ദേഹോപദ്രവം ആണ് മരണകാരണം എന്ന് തെളിയിക്കാൻ കഴിഞ്ഞതാണ് കേസിൽ പ്രതിയെ ശിക്ഷിക്കാൻ കാരണമായത്. പ്രോസിക്യൂഷന് വേണ്ടി പബ്ലിക് പ്രോസിക്യൂട്ടർ ഡി.ജി. റെക്സ് ഹാജരായി.