സംസ്ഥാനത്ത് മന്ത്രി കെ.ടി ജലീലിന്റെ രാജി ആവശ്യപ്പെട്ട് സമരങ്ങളുടെ വേലിയേറ്റമാണ് ഇന്നുമുണ്ടാകുന്നത്. തുടര്‍ച്ചയായി മൂന്നാം ദിവസവും സെക്രട്ടറിയേറ്റ് പരിസരം സംഘര്‍ഷ ഭൂമിയായി. മഹിളാമോര്‍ച്ച സെക്രട്ടറിയേറ്റിലേക്ക് നടത്തിയ മാര്‍ച്ച് സംഘര്‍ഷത്തില്‍ കലാശിച്ചു. ബാരിക്കേഡുകള്‍ മറികടന്ന് സെക്രട്ടറിയേറ്റിലേക്ക് കടക്കാന്‍ ശ്രമിച്ച മഹിളാമോര്‍ച്ച പ്രവര്‍ത്തകരെ പൊലീസ് തടഞ്ഞു.

തുടര്‍ന്ന് പൊലീസും പ്രവര്‍ത്തകരും തമ്മില്‍ ഉന്തും തളളുമുണ്ടായി. പ്രവര്‍ത്തകര്‍ക്ക് നേരെ ജലപീരങ്കി പ്രയോഗിച്ചു.തുടര്‍ന്ന് എം.ജി റോഡ് ഉപരോധിച്ച് പ്രവര്‍ത്തകര്‍ മുദ്രാവാക്യം വിളിക്കുകയാണ്. സംസ്ഥാനത്ത് വിവിധ ജില്ലാആസ്ഥാനങ്ങളില്‍ മന്ത്രിക്കെതിരെ രാജി ആവശ്യപ്പെട്ട് വന്‍ പ്രതിഷേധമാണ് നടക്കുന്നത്. യുവമോര്‍ച്ച,മഹിളാമോര്‍ച്ച,യൂത്ത് കോണ്‍ഗ്രസ് പ്രവര്‍ത്തകര്‍ വിവിധയിടങ്ങളില്‍ പ്രതിഷേധിച്ചു