മലയാള സിനിമയിലെ ഹിറ്റ് മേക്കർ ഐ. വി. ശശിയുടെ സ്മരണാർത്ഥം, സിനിമാപ്രേമികളുടെ സംഘടനയായ ഫസ്റ്റ്ക്ലാപ്പിന്റെ നേതൃത്വത്തിൽ 2020 ഒക്ടോബർ മാസം ഐ. വി. ശശി ഇന്റർനാഷണൽ ഷോട്ട് ഫിലിം ഫെസ്റ്റിവൽ സംഘടിപ്പിക്കുന്നു. അദ്ദേഹത്തിന്റെ ശിഷ്യൻമാരും, സംവിധായകരുമായ ജോമോൻ, എം. പത്മകുമാർ, ഷാജൂൺ കാര്യാൽ എന്നിവരാണ് ഈ ഷോർട് ഫിലിം ഫെസ്റ്റിവലിൻ്റെ രക്ഷാധികരികൾ. സംവിധായകൻ ലിജോ ജോസ് പെല്ലിശ്ശേരി ജൂറി ചെയർമാനും, സംവിധായകരായ മധുപാൽ, അൻവർ റഷീദ്, വിധു വിൻസെന്റ്, മിഥുൻ മാനുവൽ തോമസ്, മധു സി. നാരായണൻ എന്നിവർ ജൂറി അംഗങ്ങളുമാവുന്ന പാനലായിരിക്കും ഷോട്ട് ഫിലിം ഫെസ്റ്റിവലിന്റെ വിധികർത്താക്കൾ.

സിനിമാ മേഖലയിലേക്ക് കടന്നുവരാൻ ആഗ്രഹിക്കുന്ന പുതിയ പ്രതിഭകളെ കണ്ടെത്തി പ്രോത്സാഹിപ്പിക്കുക എന്ന ലക്ഷ്യത്തോടെയാണ് ഫസ്റ്റ് ക്ലാപ്പ് ഈ ഹ്രസ്വചിത്ര മേള സംഘടിപ്പിക്കുന്നത്.30 മിനിട്ടിൽ താഴെ ദൈർഘ്യമുള്ള ഹ്രസ്വ ചിത്രങ്ങളാണ് പരിഗണിക്കുക. 2020 സെപ്റ്റംമ്പർ 28-ന് മുൻപായി പൂർത്തീകരിക്കുന്നതോ, ഇതുവരെ റിലീസ് ചെയ്തിട്ടുള്ളതോ ആയ ഏത് ഹ്രസ്വ ചിത്രവും ഫെസ്റ്റിവലിലേക്ക് സമർപ്പിക്കാവുന്നതാണ്. അന്യഭാഷാ ചിത്രങ്ങൾക്ക് ഇംഗ്ലീഷ് സബ്ടൈറ്റിൽ ഉൾപ്പെടുത്തേണ്ടതാണ്.

പ്രവാസി ചിത്രങ്ങൾക്കും, ക്യാമ്പസ്സ് ചിത്രങ്ങൾക്കും, മ്യൂസിക് വീഡിയോകൾക്കും പ്രത്യേക വിഭാഗം ഉൾപ്പെടുത്തിയിട്ടുള്ള മേളയിൽ രണ്ടു ലക്ഷത്തിലധികം രൂപയുടെ പ്രൈസ് മണിയാണ് നിശ്ചയിച്ചിരിക്കുന്നത്. പങ്കെടുക്കുവാൻ ആഗ്രഹിക്കുന്നവർ 2020 സെപ്റ്റംമ്പർ 28-ന് മുൻപായി ചിത്രങ്ങൾ www.firstclapfilm.com എന്ന ഫസ്റ്റ് ക്ലാപ്പിന്റെ ഔദ്യോഗിക വെബ്സൈറ്റിൽ രജിസ്റ്റർ ചെയ്യേണ്ടതാണ്

Official Contact Number: +918078109424

NB: ഐ. വി. ശശിയുടെ ഓർമദിനമായ ഒക്ടോബർ 24നാണ് പുരസ്കാരപ്രഖ്യാപനം. കോവിഡ് നിയന്ത്രണങ്ങൾ പാലിച്ചുകൊണ്ട് എറണാകുളത്ത് വെച്ചാണ് പുരസ്കാരദാനചടങ്ങ് നടത്തുക.