മന്ത്രി രാമചന്ദ്രന്‍ കടന്നപ്പള്ളി ബേപ്പൂര്‍ തുറമുഖത്ത് മിത്ര ടഗ് ഫ്‌ലാഗ്ഓഫ് ചെയ്തു
ബേപ്പൂര്‍ തുറമുഖത്ത് അനുവദിച്ച പുതിയ മിത്ര ടഗ് മന്ത്രി രാമചന്ദ്രന്‍ കടന്നപ്പള്ളി ഫ്‌ലാഗ് ഓഫ് ചെയ്തു. ബേപ്പൂരിന്റെ സാധ്യതകള്‍ പരമാവധി പ്രയോജനപ്പെടുത്തുന്ന തുറമുഖ വികസന പദ്ധതി ആവിഷ്‌കരിക്കുമെന്നും തുറമുഖ പ്രവര്‍ത്തനങ്ങള്‍ കാര്യക്ഷമമാക്കാന്‍ പോര്‍ട്ട് അഡൈ്വസറി കമ്മിറ്റി രൂപീകരിക്കുന്ന കാര്യം പരിശോധിക്കുമെന്നും മന്ത്രി പറഞ്ഞു.
കയറ്റുമതിക്കാര്‍ മന്ത്രിയോട്, ബേപ്പൂരില്‍ ക്രൂ ചേഞ്ചിങ് സംവിധാനം തുടങ്ങുന്നതിന് 10 ലക്ഷം രൂപ ബോണ്ട് വേണമെന്ന മാരിടൈം ബോര്‍ഡ് വ്യവസ്ഥ ഒഴിവാക്കണമെന്ന് ആവശ്യപ്പെട്ടു. ഇക്കാര്യം പരിശോധിക്കുമെന്ന് ഉറപ്പു നല്‍കിയ മന്ത്രി ഇതു സംബന്ധിച്ച് റിപ്പോര്‍ട്ട് തയാറാക്കി സമര്‍പ്പിക്കാന്‍ പോര്‍ട്ട് ഓഫിസറെ ചുമതലപ്പെടുത്തി.
വി.കെ.സി.മമ്മദ്‌കോയ എംഎല്‍എ, കൗണ്‍സിലര്‍ പേരോത്ത് പ്രകാശന്‍, പോര്‍ട്ട് ഓഫിസര്‍ ക്യാപ്റ്റന്‍ കെ.അശ്വനി പ്രതാപ്, സീനിയര്‍ പോര്‍ട്ട് കണ്‍സര്‍വേറ്റര്‍ ടി.പി.മനോജ് കുമാര്‍, ലക്ഷദ്വീപ് കോ-ഓപ്പറേറ്റീവ് മാര്‍ക്കറ്റിങ് ഫെഡറേഷന്‍ സെക്രട്ടറി എ.കെ.നിഅ്മത്തുല്ല, കാലിക്കറ്റ് മാനേജ്‌മെന്റ് അസോസിയേഷന്‍ പ്രസിഡന്റ് ക്യാപ്റ്റന്‍ കെ.കെ.ഹരിദാസ്, കേരള എക്‌സ്‌പോര്‍ട്ടേഴ്‌സ് ഫോറം ജോ.സെക്രട്ടറി സി.ടി.മുന്‍ഷീദ് അലി, മലബാര്‍ ചേംബര്‍ ഓഫ് കൊമേഴ്‌സ് മാനേജ്‌മെന്റ് കമ്മിറ്റി അംഗം കെ.എം.ഹമീദലി, കസ്റ്റംസ് ഏജന്റ്‌സ് അസോസിയേഷന്‍ സെക്രട്ടറി അനസ് മുല്ലവീട്ടില്‍, കുറിയര്‍ ലോജിസ്റ്റിക്‌സ് അസോസിയേഷന്‍ സെക്രട്ടറി ബി.ഉമൈര്‍, ഓഫിസര്‍ ഇന്‍ ചാര്‍ജ് പ്രതീഷ് നായര്‍, ജൂനിയര്‍ സൂപ്രണ്ട് എന്‍.കെ.മനാഫ് തുടങ്ങിയവര്‍ പങ്കെടുത്തു.
https://www.facebook.com/Malayalivartha
