കഴിഞ്ഞ ദിവസം ബത്തേരിയില്‍ വഴിയില്‍ വീണു കിട്ടിയ ഒന്നര ലക്ഷം രൂപ തിരികെ നല്‍കി വാര്‍ത്തയില്‍ നിറഞ്ഞ തെരുവിലുറങ്ങുന്ന കൂലിത്തൊഴിലാളി ജോസിന് (60) ബൈക്കിടിച്ചു പരുക്ക്.

കഴിഞ്ഞ ദിവസം രാത്രിയില്‍ ബീനാച്ചിയിലായിരുന്നു സംഭവം. ജോസ് രാത്രിയില്‍ കിടന്നുറങ്ങുന്ന ബസ് കാത്തിരിപ്പു കേന്ദ്രത്തിനു സമീപം വഴിയരികില്‍ വച്ച് ബൈക്ക് ഇടിക്കുകയായിരുന്നു.

തലയ്ക്കാണ് പരുക്കേറ്റത്. ജോസിനെ താലൂക്ക് ആശുപത്രിയിലെത്തിച്ചു. ഒന്നര ലക്ഷം തിരികെ കിട്ടിയ വാകേരി സ്വദേശി മുനീറും കുടുംബാംഗങ്ങളും ആശുപത്രിയില്‍ ജോസിന് സഹായവുമായെത്തി. ഇന്നലെ ഉച്ചയോടെ ഡിസ്ചാര്‍ജ് ചെയ്ത ജോസിനെ ബത്തേരി തൊടുവട്ടിയിലുള്ള തപോവനം എന്ന അഭയ കേന്ദ്രത്തിലാക്കി.