സിസ്റ്റര്‍ അഭയ കൊലക്കേസില്‍ പ്രോസിക്യൂഷന്‍ ഭാഗം വിചാരണ അന്തിമഘട്ടത്തിലേക്ക്. സിബിഐ കേസ് അന്വേഷിച്ച കാലഘട്ടത്തില്‍ അന്വേഷണ സംഘത്തില്‍ അംഗങ്ങളായിരുന്ന അഡീഷണല്‍. എസ്.പി. പ്രേം കുമാര്‍, ഡി.വൈ.എസ്.പി. കെ.ജെ.ഡാര്‍വിന്‍ എന്നിവരെ തിരുവനന്തപുരം സിബിഐ കോടതി വെള്ളിയാഴ്ച വിസ്തരിച്ചു.

ഫാ.തോമസ് കോട്ടൂര്‍, സിസ്റ്റര്‍ സെഫി എന്നിവരാണ് വിചാരണ നേരിടുന്ന പ്രതികള്‍.1992 മാര്‍ച്ച് 27 ന് കോട്ടയത്ത് പയസ് ടെന്റ് കോണ്‍വെന്റിലെ കിണറ്റില്‍ ദുരൂഹ സാഹചര്യത്തിലാണ് സിസ്റ്റര്‍ അഭയയെ കൊല്ലപ്പെട്ട നിലയില്‍ കണ്ടെത്തിയത്. അഭയ കേസില്‍ ഇതുവരെ പ്രോസിക്യൂഷന്‍ ഭാഗത്തേക്ക് 47 സാക്ഷികളെയാണ് വിസ്തരിച്ചത്. ഇനി കേസ് അന്വേഷിച്ച അഞ്ചു സിബിഐ ഉദ്യോഗസ്ഥരെക്കൂടി പ്രോസിക്യൂഷന്‍ സാക്ഷിയായി വിസ്തരിക്കുന്നതോടെ പ്രോസിക്യൂഷന്‍ ഭാഗം സാക്ഷി വിസ്താരം പൂര്‍ത്തിയാകും. 2019 ആഗസ്റ്റ് 26 ന് ആരംഭിച്ച കേസിന്റെ വിചാരണ അന്തിമ ഘട്ടത്തിലെത്തി. തിങ്കളഴ്ചയും വിചാരണ തുടരും.