കൊച്ചി കുമ്പളങ്ങിയിൽ തമിഴ്‌നാട് സ്വദേശിയെ പച്ചക്കറിക്കടയ്ക്കുള്ളിൽ മരിച്ച നിലയിൽ കണ്ടെത്തി. വയറ്റിലും മുഖത്തും കുത്തേറ്റ പാടുകളുള്ളതിനാൽ സംഭവം കൊലപാതകമാണെന്നാണ് പൊലീസിന്റെ പ്രാഥമിക നിഗമനം.കുമ്പളങ്ങി ഇല്ലിക്കൽ മാർക്കറ്റിലെ പച്ചക്കറിക്കടയ്ക്കുള്ളിലാണ് രക്തത്തിൽ കുളിച്ച നിലയിൽ മൃതദേഹം കണ്ടെത്തിയത്. കഴിഞ്ഞ ഏഴ് വർഷമായി പ്രദേശത്ത് കുട നന്നാക്കുന്ന ജോലി ചെയ്തുവരികയായിരുന്ന ഇയാൾ, രാത്രികാലങ്ങളിൽ ഈ പച്ചക്കറിക്കടയുടെ തിണ്ണയിലായിരുന്നു ഉറങ്ങിയിരുന്നത്. രാവിലെ കട തുറക്കാനെത്തിയ ജീവനക്കാരാണ് മൃതദേഹം ആദ്യം കണ്ടത്.

സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്. പ്രദേശത്തെ സിസിടിവി ദൃശ്യങ്ങൾ കേന്ദ്രീകരിച്ചാണ് നിലവിൽ പരിശോധന പുരോഗമിക്കുന്നത്. അർദ്ധരാത്രിയിൽ കടയുടെ പരിസരത്ത് സംശയാസ്പദമായ സാഹചര്യത്തിൽ കണ്ട ചിലരെ കേന്ദ്രീകരിച്ചാണ് പൊലീസ് അന്വേഷണം നടത്തുന്നത്.