പരീക്ഷാ നടത്തിപ്പിലെ സുതാര്യത ഉറപ്പാക്കാനും ചോദ്യപേപ്പർ ചോർച്ച തടയാനും നീറ്റ് പരീക്ഷ അടുത്ത വർഷം മുതൽ കമ്പ്യൂട്ടർ അധിഷ്ഠിത പരീക്ഷയായി (CBT) മാറ്റുമെന്ന് എൻ.ടി.എ.

ജെ.ഇ.ഇ പരീക്ഷകളിലേതുപോലെ കൂടുതൽ സെറ്റ് ചോദ്യപേപ്പറുകൾ ഉപയോഗിക്കുന്നത് ചോർച്ചയുടെ സാധ്യത ഏതാണ്ട് പൂർണ്ണമായും ഇല്ലാതാക്കുമെന്നാണ് വിലയിരുത്തപ്പെടുന്നത്. സി.ബി.ഐ ഡയറക്ടർ പ്രവീൺ സൂദ് പാർലമെന്ററി സമിതിക്ക് മുമ്പാകെ അന്വേഷണ പുരോഗതി വിശദീകരിച്ചിട്ടുണ്ട്. ക്രമക്കേടിൽ ഉൾപ്പെട്ടവരെ കണ്ടെത്താനുള്ള നടപടികൾ പുരോഗമിക്കുകയാണെന്നും, കേസുമായി ബന്ധപ്പെട്ട് കൂടുതൽ അറസ്റ്റുകൾ ഉടൻ ഉണ്ടാകുമെന്നും അദ്ദേഹം സമിതിയെ അറിയിച്ചിട്ടുണ്ട്.

നിലവിലെ ക്രമക്കേടുകളെ തുടർന്ന് റദ്ദാക്കിയ പരീക്ഷയുടെ പുനഃപരീക്ഷ ജൂൺ 21നാണ് നിശ്ചയിച്ചിരിക്കുന്നത്. ഈ പരീക്ഷ സുതാര്യവും കുറ്റമറ്റതുമാക്കാൻ എല്ലാ മുൻകരുതലുകളും സ്വീകരിച്ചതായി എൻ.ടി.എ ഡയറക്ടർ ഉറപ്പുനൽകി. പരീക്ഷാ തടസ്സങ്ങൾ കാരണം മെഡിക്കൽ പ്രവേശന നടപടികൾ വൈകരുതെന്ന് പാർലമെന്ററി സമിതി കർശന നിർദേശം നൽകി.