കോഡൂര്‍ വരിക്കോട് അങ്ങാടിയില്‍ ഹോളോബ്രിക്സ് നിര്‍മാണ കമ്പനിക്ക് സമീപമുണ്ടായ അപകടത്തില്‍ സ്‌കൂട്ടര്‍ യാത്രക്കാരായ രണ്ട് വിദ്യാര്‍ഥികള്‍ക്ക് ദാരുണാന്ത്യം
കോഡൂര്‍ വരിക്കോട് അങ്ങാടിയില്‍ ഹോളോബ്രിക്സ് നിര്‍മാണ കമ്പനിക്ക് സമീപമുണ്ടായ അപകടത്തില്‍ സ്‌കൂട്ടര്‍ യാത്രക്കാരായ രണ്ട് വിദ്യാര്‍ഥികള്‍ ബസ്സിനടിയില്‍പ്പെട്ട് മരിച്ചു. രണ്ടുപേരുടെയും മാതൃവീടായ പൊന്മളയില്‍നിന്ന് സ്‌കൂട്ടറില്‍ മലപ്പുറം ഭാഗത്തേക്ക് വരുമ്പോള്‍ ഇന്നലെ രാവിലെ 11 മണിയോടെയാണ് സംഭവം നടന്നത്. മുന്നിലുള്ള കാറിനെ മറികടക്കാന്‍ ശ്രമിക്കുന്നതിനിടെ സ്‌കൂട്ടറിന്റെ ഹാന്‍ഡില്‍ കാറില്‍ തട്ടി എതിര്‍ദിശയില്‍ വരികയായിരുന്ന കെ.എസ്.ആര്‍.ടി.സി. ബസിന്റെ അടിയിലേക്ക് തെറിക്കുകയായിരുന്നു.
പട്ടര്‍ക്കടവ് കിയാല്‍പടിയിലെ പരി സിദ്ദീഖിന്റെ മകന്‍ അംജദ് (15), പാലക്കാട് ജില്ലയിലെ നെന്മാറ ഒലിപ്പാറ സലീമിന്റെ മകന്‍ റിനു സലീം (16) എന്നിവരാണ് മരിച്ചത്.അംജദ് മലപ്പുറം മേല്‍മുറി എം.എം.ഇ.ടി. ഹയര്‍സെക്കന്‍ഡറി സ്‌കൂളില്‍ പത്താംക്ലാസ് വിദ്യാര്‍ഥിയാണ്. താഹിറയാണ് മാതാവ്. സഹോദരന്‍ അജ്മല്‍.പ്ലസ്വണ്ണിന് പ്രവേശനം നേടിയതാണ് റിനു. മഞ്ചേരി ഗവ. മെഡിക്കല്‍കോളേജിലുള്ള മൃതദേഹങ്ങള്‍ പരിശോധനകള്‍ക്കുശേഷം അതത് മഹല്ല് ജുമാമസ്ജിദ് ഖബര്‍സ്ഥാനുകളില്‍ ഖബറടക്കും.
"
https://www.facebook.com/Malayalivartha
