ചെയ്യാത്ത കാര്യം ചെയ്തെന്ന് പറയിപ്പിക്കാന് ഇഡി ശ്രമിക്കുന്നു; ഇഡി തന്നെ സമ്മര്ദ്ദത്തിലാക്കാന് ശ്രമിക്കുകയാണെന്ന് ബിനീഷ് കോടിയേരി
കള്ളപ്പണം വെളുപ്പിക്കല് നിരോധന നിയമ(പിഎംഎല്എ)പ്രകാരം അറസ്റ്റ് ചെയ്ത ബിനീഷ് കോടിയേരിയെ ചോദ്യം ചെയ്യലിനിടെ ദേഹാസ്വാസ്ഥ്യം ഉണ്ടായതിനെ തുടര്ന്ന് ഇന്ന് വൈകിട്ടോടെയാണ് ആശുപത്രിയില് പ്രവേശിപ്പിച്ചത്. ചെയ്യാത്ത കാര്യം ചെയ്തെന്ന് പറയിപ്പിക്കാന് ഇഡി ശ്രമിക്കുന്നതായി ബിനീഷ് കോടിയേരി പറഞ്ഞു. സ്കാന് ചെയ്ത് മടങ്ങുമ്ബോഴാണ് മാധ്യമങ്ങളുടെ ചോദ്യത്തിനോട് ബിനീഷ് പ്രതികരിച്ചത്. ബിനീഷിനെ കാണാനായി ആശുപത്രിയില് ബിനോയും അഭിഭാഷകരും എത്തിയെങ്കിലും ഉദ്യോഗസ്ഥര് സമ്മതിച്ചില്ല. തുടര്ന്ന് ഇരുകൂട്ടരും തമ്മില് ആശുപത്രിയില് വെച്ച് വാക്കുതര്ക്കമുണ്ടായി. ബിനീഷിനെ ദേഹോപദ്രവം ഏല്പ്പിച്ചോയെന്ന് സംശയിക്കുന്നതായി അഭിഭാഷകര് പറഞ്ഞു. അതേസമയം ബിനീഷിന് ചോദ്യം ചെയ്യലിന്റെ ഭാഗമായി ദീര്ഘനേരം ഇരുന്നതാകാം നടുവേദനയ്ക്ക് കാരണമെന്നാണ് റിപ്പോര്ട്ട്. മറ്റ് ആരോഗ്യ പ്രശ്നങ്ങളൊന്നും ബിനീഷില്ലെന്നും വിവരമുണ്ട്. നടുവേദനയെ തുടര്ന്നാണ് ബിനീഷിനെ ആശുപത്രിയില് പ്രവേശിപ്പിച്ചത്.
കാത്തുനിന്ന മാധ്യമപ്രവര്ത്തകരോട് ഇഡി തന്നെ സമ്മര്ദ്ദത്തിലാക്കാന് ശ്രമിക്കുകയാണെന്ന് ബിനീഷ് പറഞ്ഞു. ബിനീഷ് കോടിയേരിയുടെ ആരോഗ്യ വിവരങ്ങള് ഇ.ഡി നല്കുന്നില്ലെന്ന് അഭിഭാഷകന് പറഞ്ഞു. ആശുപത്രിയില് പ്രവേശിപ്പിച്ച വിവരം അറിയിച്ചില്ല. എന്നാല് ബിനീഷിനെ സ്കാനിങ്ങിന് വിധേയനാക്കിയെന്ന സൂചനകള് ലഭിച്ചുവെന്നും അഭിഭാഷകന് രഞ്ജിത്ത് ശങ്കര് പറഞ്ഞു. കസ്റ്റഡി മര്ദനം ഉണ്ടായെന്നും അഭിഭാഷകന് ആരോപിച്ചു. എന്താണ് ആരോഗ്യപ്രശ്നമെന്നോ ചികില്സയെന്നോ വ്യക്തമാക്കുന്നില്ല. സുപ്രീംകോടതി മാനദണ്ഡങ്ങള് ഇ.ഡി ലംഘിക്കുകയാണ്. നാളെ ബിനീഷിനായി ജാമ്യാേപക്ഷ നല്കുമെന്നും അഭിഭാഷകന് ബെംഗളൂരുവില് പറഞ്ഞു.
വ്യാഴാഴ്ച അറസ്റ്റിലായ ബിനീഷിനെ തുടര്ച്ചയായി ഇഡി ചോദ്യം ചെയ്തു വരികയായിരുന്നു.
https://www.facebook.com/Malayalivartha
