ആറുവയസുള്ള പെൺകുട്ടിയുടെ കരൾ ഭക്ഷിച്ചാൽ കുഞ്ഞു ജനിക്കുമെന്നു വിശ്വസിച്ച് ഉത്തർപ്രദേശിൽ പെൺകുട്ടിയെ കൊലപ്പെടുത്തി കരൾ ചൂഴ്ന്നെടുത്ത സംഭവത്തില്‍ രൂക്ഷ പ്രതികരണവുമായി സംവിധായകന്‍ അനുരാജ് മനോഹര്‍ രംഗത്ത് എത്തിയിരിക്കുകയാണ്. ഈ കേട്ട വാര്‍ത്ത ഏതെങ്കിലും ഭയനാക നോവലോ മായാജാല കഥയിലെ ഭാഗമോ അല്ല ഇന്ത്യയിലെ ഏറ്റവും വൃത്തികെട്ട സംസ്ഥാനമായ ഉത്തർപ്രദേശില്‍ നിന്നുള്ളതാണ് എന്നാണ് 'ഇഷ്ക്' സംവിധാനം ചെയ്ത അനുരാജ് മനോഹര്‍ തന്റെ ഫേസ്ബുക്കില്‍ കുറിച്ചത്.

അനുരാജ് മനോഹറിന്റെ ഫേസ്ബുക്ക് കുറിപ്പ്:

ആറു വയസ്സുള്ള പെൺകുട്ടിയുടെ ശ്വാസകോശം കൊണ്ട് പൂജ ചെയ്‌താൽ കുട്ടികൾ ഉണ്ടാകുമെന്ന് ദിവ്യൻ പറയുന്നു. ഇത് കേട്ട് ദമ്പതികൾ ശ്വാസകോശം കൊണ്ടുവരാൻ ഗുണ്ടകൾക്ക് ക്വട്ടേഷൻ കൊടുക്കുന്നു. പോയവന്മാർ ഒരു ആറ് വയസ്സുകാരിയെ കണ്ട് പിടിച്ച് ബലാത്സംഗം ചെയ്ത് കൊന്ന് ശ്വാസകോശം പുറത്തെടുത്ത് ദമ്പതികൾക്ക് കൊടുക്കുന്നു.

ഇത് ഏതെങ്കിലും ഹൊറർ നോവലോ മായാജാല കഥയിലെ ഭാഗമോ അല്ല. ഇന്ത്യയിലെ ഏറ്റവും വൃത്തികെട്ട സംസ്ഥാനമായ ഉത്തർ പ്രദേശിൽ ഇന്നലെ നടന്നതാണ്.