വീടിന് മുന്നിൽ തുണി കഴുകി കൊണ്ട് നിന്ന വീട്ടമ്മ. ഏറെ നേരമായിട്ടും കാണാതായതിനെ തുടർന്ന് അന്വേഷിച്ചിറങ്ങിയ വീട്ടുകാർ... തുണി കഴുകി കൊണ്ട് നിന്ന സ്ഥലത്ത് കാണാത്തതിനാൽ അന്വേഷണം മറ്റിടങ്ങളിലേക്കും നീങ്ങി.. ഒടുവിൽ കണ്ടത് ഞെട്ടിക്കുന്ന കാഴ്ച. വീട്ടമ്മയെ കണ്ടെത്തിയത് 6 മീറ്ററിനപ്പുറത്തുള്ള കിണറ്റിൽ നിന്നും. സംഭവം വിശ്വസിക്കാനാകാതെ നാട്ടുകാരും വീട്ടുകാരും....ഇരിക്കൂർ ആയിപ്പുഴ ഗവ എൽപി സ്കൂളിനു സമീപം ആണ് ആർക്കും വിശ്വസിക്കാനാകാത്ത സംഭവം നടന്നിരിക്കുന്നത് . വീട്ടിൽ തുണി കഴുകി കൊണ്ടിരുന്ന വീട്ടമ്മ ഗർത്തത്തിൽവീഴുകയായിരുന്നു. വീണതോടെ 6 മീറ്ററിലേറെ ദൂരം ആ ഗർത്തത്തിലൂടെ നീങ്ങി. ഒടുവിൽ ചെന്നത്തിയത് തൊട്ടടുത്ത വീട്ടിലെ കിണറ്റിലായിരുന്നു . കിണറ്റിൽ വീണ വീട്ടമ്മ അവിടെ കിടന്ന് ബഹളം വച്ചു . ബഹളം കേട്ടതോടെ നാട്ടുകാർ ഓടിയെത്തുകയായിരുന്നു . ഒടുവിൽ നാട്ടുകാർ വീട്ടമ്മയെ രക്ഷപ്പെടുത്തി. മാത്രമല്ല അഗ്നിരക്ഷാ സേനയും വിവരമറിയിച്ചു . മട്ടന്നൂരിൽ നിന്ന് അഗ്നിരക്ഷാ സേനയും സ്ഥലത്തെത്തി രക്ഷാപ്രവർത്തനം നടത്തി .

മുൻ പഞ്ചായത്തംഗം കെ.എ.അയൂബിന്റെ ഭാര്യ ഉമൈബ (38) യാണ് ഗർത്തത്തിൽ താഴ്ന്നത്. ഇന്നലെ ഉച്ച കഴിഞ്ഞായിരുന്നു സംഭവം നടന്നത് . വീട്ടിൽ തുണി കഴുകുന്ന സ്ഥലത്തായിരുന്നു ഗർത്തം പെട്ടെന്ന് രൂപപ്പെട്ടത്. മണ്ണ് പെട്ടെന്ന് ഇളകി ഇതിൽ താഴ്ന്നു പോകുകയായിരുന്നു വീട്ടമ്മ . നി്മിഷങ്ങൾക്കുള്ളിൽ കിണറ്റിനുള്ളിലേക്കു പതിക്കുകയും ചെയ്തു . ഉമൈബയുടെ നിലവിളി കേട്ടായിരുന്നു ആളുകൾ ഓടിക്കൂടിയത്, അഗ്നിരക്ഷാ സേന സ്ഥലത്തെത്തിയപ്പോഴേക്കും നാട്ടുകാരിട്ടു കൊടുത്ത കയറിൽ തൂങ്ങി വീട്ടമ്മ കരയ്ക്കു കയറുകയും ചെയ്തു .അടുത്ത വീട്ടിലെ കിണറ്റിൽ ഗുഹ പോലുള്ള ഒരു ഭാഗം നേരത്തെ ശ്രദ്ധയിൽ പെട്ടിരുന്നു. കാലക്രമേണ മണ്ണിടിഞ്ഞ് ഇത് നീളത്തിലുള്ള ഗർത്തമായി രൂപപ്പെട്ടതാകാമെന്ന് കരുതുന്നു. എന്നാൽ ഗർത്തത്തിന്റെ നീളത്തെ കുറിച്ച് ആർക്കും ധാരണ ഉണ്ടായിരുന്നില്ല.

ആർക്കും വിശ്വസിക്കാനാവാത്ത സംഭവമാണ് നടന്നിരിക്കുന്നത്. ഈ ഗർത്തത്തിന് ഇത്രത്തോളം നീളം ഉണ്ടെന്നും ഇത്തരത്തിൽ ഒരു സംഭവം നടക്കും എന്നും ആരും സ്വപ്നത്തിൽ പോലും വിചാരിച്ചിരുന്നില്ല.. വീട്ടമ്മ രക്ഷപ്പെട്ടത് തലനാരിഴയ്ക്ക് മാത്രമാണെന്ന് പറയാൻ സാധിക്കുകയുള്ളൂ. ഗർത്തത്തിൽ നിന്നും ആറ് മീറ്ററോളം ഒഴുകി കിണറ്റിൽ എത്തുക എന്നതും വളരെ അവിശ്വസനീയവും ഒപ്പം ഭയം ഉളവാക്കുന്നതുമായ സംഭവമാണ്. ഇത്തരത്തിലുള്ള സംഭവങ്ങൾ വളരെ അപൂർവമായി മാത്രമാണ് സംഭവിച്ചിട്ടുള്ളത്. എന്തായാലും വീട്ടമ്മ രക്ഷപ്പെട്ടു എന്നത് തന്നെയാണ് ഏറെ ആശ്വാസകരം..