മൂന്നാംഘട്ട പരസ്യ പ്രചാരണവും സമാപിച്ചു; ആവേശം കാത്തുസൂക്ഷിച്ച് മുന്നണികള്; മലപ്പുറത്ത് കൊട്ടികലാശം മൂന്നു മണിക്ക് അവസാനിച്ചു; ചിലയിടങ്ങളില് സംഘര്ഷം; കോവിഡ് നിയന്ത്രണം പാലിക്കാതെ കൊട്ടികലാശത്തില് കുട്ടികളെ വരെ പങ്കെടുപ്പിച്ചു
തദ്ദേശ തിരഞ്ഞെടുപ്പിന്റെ മൂന്നാംഘട്ടത്തിലെ പരസ്യപ്രചാരണം അവസാനിച്ചു. അവസാന നിമിഷവും ആവേശം കാത്തുസൂക്ഷിച്ച് മുന്നണികള് കളം നിറഞ്ഞു. ഇത് ചിലങ്ങിടങ്ങളില് സംഘഷത്തിന് കാരണമായി. മലപ്പുറത്ത് മൂന്നുമണിക്ക് പരസ്യപ്രചാരണം അവസാനിച്ചു. കോഴിക്കോട് കൊടുവള്ളി നഗരസഭയില് പരസ്യപ്രചാരണം നാലുമണിക്കും പൂര്ത്തിയായി. അതിനിടെ കോഴിക്കോട് കുറ്റിച്ചിറയില് യുഡിഎഫ് എല്ഡിഎഫ് പ്രവര്ത്തകര് തമ്മില് എറ്റുമുട്ടല് ഉണ്ടായി. സംഘര്ഷത്തിന് തൊട്ടുമുന്പ് വരെ പ്രതിപക്ഷ ഉപനേതാവ് എം.കെ മുനീര് സ്ഥലത്തുണ്ടായിരുന്നു. സംഘര്ഷത്തെ തുടര്ന്ന് പൊലീസ് ഇടപെട്ട് പരസ്യപ്രചാരണം അവസാനിച്ചു.
മലപ്പുറം ജില്ലയില് തെരഞ്ഞെടുപ്പ് കൊട്ടിക്കലാശം മൂന്ന് മണിക്ക് ശേഷം വിലക്കിയത് എസ്പിയുടെ ഉത്തരവിനെ തുടര്ന്നാണ്. വലിയ രീതിയില് ജില്ലയിലെമ്പാടും തെരഞ്ഞെടുപ്പ് കൊട്ടിക്കലാശത്തിന് ഒരുക്കങ്ങള് നടക്കുന്നുവെന്ന് കണ്ടെത്തിയതിനെത്തുടര്ന്നാണ് നടപടി. കൊവിഡ് വ്യാപനം ചൂണ്ടിക്കാട്ടിയാണ് മലപ്പുറം എസ്പിയുടെ രേഖാമൂലം ഉത്തരവ് തന്നെ ഇറങ്ങിയിരിക്കുന്നത്. ജില്ലയില് അനൗണ്സ്മെന്റ് അടക്കം ഒരു പരിപാടിയും കൊട്ടിക്കലാശത്തോട് അനുബന്ധിച്ച് പാടില്ലെന്നും, എന്തെങ്കിലും പരിപാടി നടത്തിയാല് കര്ശനനടപടിയുണ്ടാകുമെന്നുമാണ് ഉത്തരവില് പറയുന്നത്. വൈകിട്ട് 6 മണി വരെയാണ് കൊട്ടിക്കലാശത്തിന് നേരത്തേ അനുമതിയുണ്ടായിരുന്നത്.
കോഴിക്കോട്ട് കൊട്ടിക്കലാശത്തിന് കര്ശനനിയന്ത്രണമാണ് ഏര്പ്പെടുത്തിയിരിക്കുന്നത്. സംസ്ഥാനതെരഞ്ഞെടുപ്പ് കമ്മീഷന് അനുശാസിച്ചത് പോലെ മൂന്ന് വാഹനങ്ങളില് കൂടുതല് കൊട്ടിക്കലാശത്തിന് ഇറങ്ങിയാല് കടുത്ത നടപടിയുണ്ടാകുമെന്ന് ജില്ലാ കളക്ടര് വ്യക്തമാക്കി. നിയന്ത്രണം ലംഘിക്കുന്നത് ഒരു കാരണവശാലും വച്ചുപൊറുപ്പിക്കില്ല. വിവിധ രാഷ്ട്രീയപാര്ട്ടികളോട് ഈ വിവരം അറിയിച്ചിട്ടുണ്ടെന്നും കോഴിക്കോട് ജില്ലാ കളക്ടര് വ്യക്തമാക്കുന്നു.
ഉച്ചതിരിഞ്ഞ് മുക്കം നഗരസഭയിലടക്കം വന്ബൈക്ക് റാലികളുമായി യുഡിഎഫ് വെല്ഫെയര് പാര്ട്ടി പ്രവര്ത്തകര് സംയുക്തമായി തെരുവിലിറങ്ങിയ ദൃശ്യങ്ങള് പുറത്തുവന്നിരുന്നു. വടക്കന് ജില്ലകളില് പലയിടത്തും കോവിഡ് ചട്ടങ്ങള് ലംഘിച്ചാണ് കൊട്ടിക്കലാശം നടന്നത്. ഈ സാഹചര്യം മുന്നില്കണ്ടാണ് മലപ്പുറത്ത് പൂര്ണമായും കൊട്ടിക്കലാശം നിരോധിക്കാനും കോഴിക്കോട്ട് കര്ശനനിയന്ത്രണങ്ങളോടെ മാത്രം അനുവദിക്കാനും ഇരുജില്ലാ ഭരണകൂടങ്ങളും തീരുമാനിച്ചത്.
https://www.facebook.com/Malayalivartha