തടവുകാര്ക്ക് ഇനി പകലന്തിയോളം പാട്ടുകേള്ക്കാം....... രാവിലെ ആറുമുതല് രാത്രി എട്ടുവരെ തടവുകാരെ എഫ്.എം.റേഡിയോ കേള്പ്പിക്കണമെന്ന് ജയില് ഡി.ജി.പി.യുടെ നിര്ദേശം
ജയിലുകളില് ഇനി പകലന്തിയോളം പാട്ടുകേള്ക്കാം. രാവിലെ ആറുമുതല് രാത്രി എട്ടുവരെ തടവുകാരെ എഫ്.എം.റേഡിയോ കേള്പ്പിക്കണമെന്ന് ജയില് ഡി.ജി.പി. നിര്ദ്ദേശിച്ചു. ദീര്ഘകാല ശിക്ഷയുടെ ആഘാതം, പരോള് നിഷേധിക്കപ്പെട്ടത്, ഏകാന്തതടവ്, രോഗാവസ്ഥ, മാനസികമായ പ്രശ്നങ്ങള് തുടങ്ങിയവയാണ് ആത്മഹത്യയിലേക്കു നയിക്കുന്നതെന്നായിരുന്നു കണ്ടെത്തല്. പുറത്തുള്ളവരുടെ കത്തുകളോ സന്ദര്ശനമോ ഇല്ലാത്തതും മാനസികപ്രശ്നങ്ങള്ക്ക് വഴിയൊരുക്കുമെന്ന് സൂചിപ്പിച്ചിരുന്നു.തടവുകാരുടെ ആത്മഹത്യ തടയാനുള്ള നടപടികളുടെ ഭാഗമായാണിത്. മാനസിക പിരിമുറുക്കം കുറയ്ക്കുന്നതിനും ഉല്ലാസം തോന്നുന്നതിനുമുള്ള നടപടികളാണ് സ്വീകരിക്കേണ്ടത്. സന്നദ്ധസംഘടനകളുടെ സഹായത്തോടെ മാസികകള് വാങ്ങി വിതരണം ചെയ്യണം.
വ്യായാമം നിര്ബന്ധമാക്കുകയും അരമണിക്കൂറെങ്കിലും സൂര്യപ്രകാശം കൊള്ളുന്നത് ഉറപ്പാക്കുകയും ചെയ്യും. കുടുംബാംഗങ്ങളുടെ ഫോണ് നമ്പരിലേക്ക് എണ്ണംനോക്കാതെ വിളിക്കുന്നതിന് അനുവദിക്കും. വിമുഖതകാട്ടുന്നവരെ ഫോണ്വിളിക്കാന് പ്രോത്സാഹിപ്പിക്കണമെന്നും പറയുന്നു. ആഴ്ചയിലൊരിക്കല് കൗണ്സലിങ് ക്ലാസ് നടത്തും. ഇതിനായി സന്നദ്ധസംഘടനകളുമായി ആലോചിച്ച് പാനല് ഉണ്ടാക്കണം.
തടവുകാരുമായി സാധാരണവേഷത്തില് ഇടപഴകാനും അവരുടെ സുഖവിവരങ്ങള് ചോദിച്ചറിയാനുമായി ഒരു അസിസ്റ്റന്റ് പ്രിസണ് ഓഫീസറെ നിയോഗിക്കണം. ജയിലുകളില് വെല്ഫെയര് ഓഫീസര്മാരുടെ സന്ദര്ശനം ഉറപ്പുവരുത്താനും നിര്ദേശിച്ചിട്ടുണ്ട്. ജയിലുകളിലെ ആത്മഹത്യശ്രമത്തെ തടയുന്നതിന് ദേശീയ മനുഷ്യാവകാശ കമ്മിഷന് ചില നിര്ദേശങ്ങള് പുറപ്പെടുവിച്ചിരുന്നു.
https://www.facebook.com/Malayalivartha
