അച്ഛനും മകനും കൂടി വീട്ടിലേക്ക് മടങ്ങവേ കാട്ടാന ചവിട്ടിയും നിലത്തടിച്ചും ഇരുവരെയും കൊലപ്പെടുത്തി... നിലവിളി കേട്ടെത്തിയ നാട്ടുകാര്‍ കണ്ടത് ദാരുണരംഗം. നീലഗിരിയിലെ ചേരങ്കോടിനു സമീപത്തായി ആനപ്പള്ളത്തു കാട്ടാനയുടെ ആക്രമണത്തിലാണ് അച്ഛനും മകനും മരിച്ചത്. ഗൂഡല്ലൂര്‍ പഞ്ചായത്ത് യൂണിയന്‍ കൗണ്‍സിലര്‍ ആനന്ദ്രാജ് (55), മകന്‍ പ്രശാന്ത് (20) എന്നിവരാണു മരിച്ചത്.

നിലവിളി കേട്ടെത്തിയെ പരിസരവാസികള്‍ ദാരുണരംഗമാണ് കണ്ടത്. ശ്രീലങ്കന്‍ അഭയാര്‍ഥി കുടുംബാംഗമാണ് ഡി.എം.കെ. പ്രാദേശിക നേതാവും ടാന്‍ടി എസ്റ്റേറ്റ് തൊഴിലാളിയുമായ ആനന്ദ്രാജ്. സംഭവസ്ഥലത്തു രാത്രി വൈകിയും സംഘര്‍ഷാവസ്ഥ നിലനില്‍ക്കുകയാണ്. ജില്ലാ കലക്ടര്‍ അടക്കം ഉന്നത ഉദ്യോഗസ്ഥരെത്തിയശേഷമേ മൃതദേഹങ്ങള്‍ നീക്കംചെയ്യാന്‍ അനുവദിക്കൂവെന്ന നിലപാടിലാണു നാട്ടുകാര്‍.