നെയ്യാറ്റിന്‍കരയിലെ രാജന്‍ അമ്ബിളി ദമ്ബതികളുടെ മരണത്തോടെ അനാഥരായ അവരുടെ മക്കള്‍ രഞ്ജിത്തിനും രാഹുലിനും വേണ്ടി നാട് മുഴുവന്‍ കണ്ണീര്‍ പൊഴിച്ചപ്പോഴും തന്റെ നിലപാടില്‍ ഉറച്ചുനിന്നയാളാണ് അവര്‍ താമസിച്ചിരുന്ന ഭൂമിക്ക് മേല്‍ അവകാശം ഉന്നയിച്ച അയല്‍ക്കാരി വസന്ത. തര്‍ക്കഭൂമി വാങ്ങിക്കൊണ്ട് അത് കുട്ടികള്‍ക്ക് കൈമാറുമെന്നറിയിച്ച് വ്യവസായി ബോബി ചെമ്മണൂര്‍ വസന്തയെ സമീപിച്ചതോടെയാണ് അവര്‍ നിലപാട് മയപ്പെടുത്തിയത്. തുടര്‍ന്ന് ഭൂമിയുടെ രേഖകള്‍ വസന്ത ബോബിക്ക് കൈമാറുന്നതിന്റെ ചിത്രങ്ങള്‍ സോഷ്യല്‍ മീഡിയ വഴി വ്യാപക ശ്രദ്ധ നേടുകയും ചെയ്തു.

പണം വാങ്ങിയിട്ടാണെങ്കിലും വസന്ത സ്ഥലം വിട്ടുനല്‍കാന്‍ തയ്യാറായതില്‍ സോഷ്യല്‍ മീഡിയ അനുകൂലമായാണ് പ്രതികരിച്ചത്, എത്ര രൂപയ്ക്കാണ് ബോബി വസന്തയില്‍ നിന്നും സ്ഥലം വാങ്ങിയതെന്ന് വ്യക്തമായിട്ടില്ല. അതിനിടെ തര്‍ക്കഭൂമി വില്‍ക്കാന്‍ സാധിക്കുകയില്ലെന്നും വസന്തയുടെ കൈവശമിരിക്കുന്ന പട്ടയം വ്യാജമാണെന്ന ദമ്ബതികളുടെ പരാതി കണക്കിലെടുക്കുമ്‌ബോള്‍ അതെങ്ങനെയാണ് വാങ്ങാന്‍ സാധിക്കുകയെന്നും ചിലര്‍ സംശയം പ്രകടിപ്പിക്കുന്നുണ്ട്. കുട്ടികളും ഇക്കാര്യം ചൂണ്ടിക്കാട്ടിയിരുന്നു. ഇക്കാര്യം കുട്ടികളും ചൂണ്ടിക്കാണിച്ചിരുന്നു.
വസന്ത ബോബിയെ കബളിപ്പിച്ചതാണെന്നും കുട്ടികള്‍ ആരോപിക്കുന്നു. അതേസമയം, കുട്ടികള്‍ക്ക് ഭൂമിയുടെ അവകാശം സ്വീകരിക്കാന്‍ താത്പര്യമില്ലെങ്കില്‍ അത് താന്‍ കൈവശം വയ്ക്കുമെന്നും അവര്‍ എപ്പോള്‍ ആവശ്യപ്പെട്ടാലും അത് നല്‍കുമെന്നും ബോബി ചെമ്മണ്ണൂര്‍ പറയുന്നു. താന്‍ ഒരു അഭിഭാഷകനെയും കൂട്ടികൊണ്ടാണ് വസന്തയില്‍ നിന്നും ഭൂമി വാങ്ങാനായി പോയിരുന്നതെന്നും ഇക്കാര്യത്തില്‍ നിയമപ്രശ്‌നങ്ങള്‍ ഒന്നുമില്ലെന്ന് ബോദ്ധ്യപ്പെട്ട ശേഷമാണ് ഭൂമി വാങ്ങിയതെന്നും ബോബി പറഞ്ഞു.
വസന്ത തന്നെ കബളിപ്പിക്കാന്‍ നോക്കിയതാണെങ്കില്‍ നിയമനടപടിയുമായി സുപ്രീം കോടതി വരെ പോകാന്‍ താന്‍ മടിക്കില്ലെന്നും അദ്ദേഹം വ്യക്തമാക്കിയിട്ടുണ്ട്. താന്‍ വിലയ്ക്കു വാങ്ങിയ ഭൂമി രാജനും കുടുംബവും കൈയ്യേറിയെന്നും ഭൂമിയുടെ പട്ടയം തന്റെ പേരിലാണെന്നും വസന്ത പറഞ്ഞിരുന്നത്. എന്നാല്‍, സ്ഥലം പുറമ്‌ബോക്കാണെന്നും രാജന്റെ പേരില്‍ വേറെ ഭൂമി ഇല്ലെന്നുമാണ് ബന്ധുക്കളും നാട്ടുകാരും പ്രതികരിച്ചത്.