നിയമസഭ സമ്മേളനത്തില് പങ്കെടുത്ത മുകേഷ് ഉള്പ്പെടെ നാല് എംഎല്എമാര്ക്ക് കോവിഡ്; രണ്ടു പേരെ ആശുപത്രിയില് പ്രവേശിപ്പിച്ചു; മുകേഷ് വീട്ടില് നിരീക്ഷണത്തില്; 22 വരെയാണ് നിയമസഭാ സമ്മേളനം; സമ്മേളനം വെട്ടിചുരുക്കാന് സാധ്യത
നിയമസഭ സമ്മേളനത്തില് പങ്കെടുത്ത നാല് എംഎല്എമാര്ക്ക് കോവിഡ് 19 സ്ഥിരീകരിച്ചു. നെയ്യാറ്റിന്കര എംഎല്എ കെ.ആന്സലന്, കൊയിലാണ്ടി എംഎല്എ കെ.ദാസന്, കൊല്ലം എംഎല്എ മുകേഷ്, പീരുമേട് എംഎല്എ ബിജിമോള് എന്നിവര്ക്കാണ് കോവിഡ് സ്ഥിരീകരിച്ചത്.
കെ.ദാസന് എംഎല്എയും ആന്സലന് എംഎല്എയും തിരുവനന്തപുരം മെഡിക്കല് കോളജ് ആശുപത്രിയില് ചികിത്സയിലാണ്. മുകേഷ് വീട്ടില്തന്നെ നിരീക്ഷണത്തില് തുടരുന്നു. എം.എല്.എമാരുടെ ആരോഗ്യസ്ഥിതിയില് ആശങ്കയില്ലെന്നാണ് ലഭിക്കുന്ന വിവരം.
22 വരെയാണ് നിയമസഭാ സമ്മേളനം. കോവിഡ് മാനദണ്ഡങ്ങള് പാലിച്ചാണ് നിയമസഭാ സമ്മേളനം നടക്കുന്നത്. ഇവരുമായി സമ്പര്ക്കത്തില് വന്ന എം.എല്.എമാരും മന്ത്രിമാരും നിരീക്ഷണത്തില് പോകുമോ എന്ന കാര്യം ഇതുവരെയും വ്യക്തമായിട്ടില്ല. എം.എല്.എമാര്ക്ക് കോവിഡ് സ്ഥിരീകരിച്ച സാഹചര്യത്തില് നിയമസഭാ സമ്മേളനം വെട്ടിചുരുക്കാനും സാധ്യത.
https://www.facebook.com/Malayalivartha