സംസ്ഥാനത്ത് ഇന്ധനവില വീണ്ടും വർദ്ധിച്ചു. ഈ മാസം നാലാം തവണയാണ് ഇന്ധന വില വർധിപ്പിക്കുന്നത്. പെട്രോളിന് 25 പൈസയും ഡീസലിന് 27 പൈസയുമായി കൂട്ടി . ഈ മാസം 1 രൂപ 36 പൈസയാണ് ഡീസലിന് മൊത്തമായി കൂട്ടിയത്. വലിയൊരു റെക്കോർഡിലേക്ക് ഇന്ധനവില ഇപ്പോൾ എത്തി നിൽക്കുന്നു.

തിരുവനന്തപുരത്ത് പെട്രോളിന് 87 .23 രൂപയും ഡീസലിന് 81 .26 രൂപയുമാണ് ഇപ്പോഴത്തെ വില . കൊച്ചിയിൽ പെട്രോളിന് 85 .47 രൂപയും ഡീസലിന് 79 .62 രൂപയുമാണ് . കോഴിക്കോട് പെട്രോളിന് 85.66രൂപയും ഡീസലിന് 79 .82 രൂപയുമാണ് വിലവർദ്ധന. കൊച്ചിയിൽ 2018 നു ശേഷം ആദ്യമായാണ് ഇത്തരത്തിലൊരു വിലവർദ്ധന വരുന്നത് .

രാജ്യത്ത് കഴിഞ്ഞ ആഴ്ചയും ഇന്ധന വില വർദ്ധിപ്പിച്ചരുന്നു . അന്താരാഷ്ട്ര വിപണിയിൽ എണ്ണവില കുറഞ്ഞിരിക്കുന്ന സാഹചര്യത്തിലാണ് ഇന്ധനവില വീണ്ടും വർധിപ്പിച്ചിരിക്കുന്നത് . സംസ്ഥാനത്ത് നികുതിവില കൂടി കണക്കിലെടുക്കുമ്പോൾ ഇനിയും ഇന്ധന വില വർധിക്കാനുള്ള സാഹചര്യം ഏറെയാണ്. പെട്രോളിന്റെയും ഡീസലിന്റെയും ഇറക്കുമതി ചുങ്കവും ക്രൂഡോയിലിന്റെ വിലയും കണക്കിലെടുത്തതാണ് ഇന്ധന വില വർദ്ധിപ്പിച്ചിരിക്കുന്നത് .