തൈപ്പറമ്പില്‍ ഷെഫീക്കിന്റെ കസ്റ്റഡി മരണം... അന്വേഷണം സിബിഐക്ക് വിടാന്‍ നിശ്ചയിച്ചിരിക്കുന്നതായി മുഖ്യമന്ത്രി
തൈപ്പറമ്പില്‍ ഷെഫീക്കിന്റെ കസ്റ്റഡി മരണം അന്വേഷിക്കാന്‍ സിബിഐ. മുഖ്യമന്ത്രി പിണറായി വിജയനാണ് കേസ് അന്വേഷണം സിബിഐക്ക് വിടാന്‍ നിശ്ചയിച്ചിരിക്കുന്നതായി അറിയിച്ചത്. തിരുവഞ്ചൂര്‍ രാധാകൃഷ്ണന്‍ എംഎല്‍എയുടെ സബ്മിഷന് മറുപടിയായി നിയമസഭയിലാണ് മുഖ്യമന്ത്രി ഇക്കാര്യം അറിയിച്ചത് പോസ്റ്റ്‌മോര്‍ട്ടം റിപ്പോര്‍ട്ടില്‍ മരണം തലയ്‌ക്കേറ്റ ക്ഷതം മൂലമാണെന്ന പ്രാഥമിക കണ്ടെത്തല്‍.
സാമ്പത്തിക തട്ടിപ്പുകേസിലാണ് ഷെഫീക്ക് പിടിയിലായത്. തലയുടെ മുന്‍ഭാഗത്ത് ക്ഷതമേറ്റിട്ടുണ്ടെന്നാണ് റിപ്പോര്‍ട്ട്. ഇടതുകണ്ണിന് മുകളിലായാണ് മുറിവ്. ആന്തരിക രക്തസ്രാവം മരണത്തിലേക്ക് നയിച്ചുവെന്നും പ്രാഥമിക പോസ്റ്റുമോര്‍ട്ടം റിപ്പോര്‍ട്ടില്‍ പറയുന്നു.
പരിക്കുണ്ടാകാന്‍ കാരണം വീഴ്ച മൂലമാണോ മര്‍ദ്ദനം മൂലമാണോ എന്ന് സ്ഥിരീകരിക്കാന്‍ കഴിഞ്ഞിട്ടില്ല. കാക്കനാട് ജില്ലാ ജയിലിനോടനുബന്ധിച്ച ബോസ്റ്റല്‍ സ്‌കൂളിന്റെ ക്വാറന്റൈന്‍ സെന്ററിലായിരുന്നു പ്രതി റിമാന്‍ഡില്‍ കഴിഞ്ഞുവന്നത്.
"
https://www.facebook.com/Malayalivartha
