കോണ്ഗ്രസിന്റെ ആദ്യഘട്ട സ്ഥാനാര്ത്ഥി പട്ടിക നാളെ പ്രഖ്യാപിക്കും
കേരളത്തിലെ നിയമസഭാ തിരഞ്ഞെടുപ്പിനുള്ള കോണ്ഗ്രസിന്റെ ആദ്യ ഘട്ട സ്ഥാനാര്ത്ഥി പട്ടിക നാളെ പ്രഖ്യാപിക്കും. 32 സ്ഥാനാര്ത്ഥികളെയാണ് നാളെ പ്രഖ്യാപിക്കുക. രണ്ടാ പട്ടിക ബുധനാഴ്ച പ്രഖ്യാപിക്കും. അതേസമയം 26 ദിവസത്തിനുള്ളില് കേരളത്തിലെ ഇടതു ദുര്ഭരണം അവസാനിക്കുമെന്ന് എ.ഐ.സി.സി ജനറല് സെക്രട്ടറി വേണുഗോപാല് പറഞ്ഞു. കേരളത്തില് യു.ഡി.എഫ് സര്ക്കാര് അധികാരത്തിലേറുമെന്നും വേണുഗോപാല് ആത്മവിശ്വാസം പ്രകടിപ്പിച്ചു.
പ്രചാരണത്തിന് വളരെ കുറച്ച് ദിവസമേ ലങിക്കുന്നുള്ളൂ എന്നും വേണുഗോപാല് ചൂണ്ടിക്കാട്ടി,? തിരഞ്ഞെടുപ്പ് കമ്മിഷന് സാധാരണയില് നിന്ന് വ്യത്യസ്തമായാണ് തീരുമാനിച്ചത്. സി.പി.എം വിട്ട് സ്വതന്ത്രനായി മത്സരിക്കുമെന്ന് പ്രഖ്യാപിച്ച മുതിര്ന്ന നേതാവ് ജി,? സുധാകരനുമായി സംസാരിച്ചിട്ടില്ലെന്നും കെ.സി. വേണുഗോപാല് വ്യക്തമാക്കി. അമ്പലപ്പുഴ സീറ്റില് വൈകാതെ തന്നെ തീരുമാനമെടുക്കും.
കണ്ണൂരിലെ സീറ്റിന്റെ കാര്യത്തില് അതൃപ്തി പ്രകടമാക്കിയ കെ.പി.സി.സി മുന് അദ്ധ്യക്ഷന് കെ. സുധാകരനുമായി സംസാരിക്കുമെന്നും കെ.സി പറഞ്ഞു. മുസ്ലിം ലീഗുമായി സീറ്റിന്റെ കാര്യത്തില് തര്ക്കമില്ല. സീറ്റ് ധാരണയില് അവസാനവട്ട മിനുക്ക് പണിയാണ് നടക്കുന്നത്. എം.പിമാര് മത്സരിക്കുമോ എന്ന കാര്യത്തിലും വൈകാതെ ഉത്തരമുണ്ടാകുമെന്നും വേണുഗോപാല് കൂട്ടിച്ചേര്ത്തു.
https://www.facebook.com/Malayalivartha
