മണ്ഡല-മകരവിളക്ക് തീര്‍ഥാടനകാലത്തെ ചടങ്ങുകള്‍ പൂര്‍ത്തിയാക്കി ശബരിമല നട അടച്ചു. സമാപന ദിവസമായ ബുധനാഴ്ച ദര്‍ശനം പന്തളം രാജപ്രതിനിധികള്‍ക്ക് മാത്രമായിരുന്നു. രാവിലെ അഞ്ചിന് നട തുറന്നു. ഗണപതി ഹോമത്തിനുശേഷം 6.45ന് പന്തളം രാജപ്രതിനിധികളായ പ്രദീപ് കുമാര്‍ വര്‍മ, സുരേഷ് വര്‍മ എന്നിവര്‍ ദര്‍ശനം നടത്തി. തുടര്‍ന്ന്, ഹരിവരാസനം പാടി മേല്‍ശാന്തി വി.കെ. ജയരാജ് പോറ്റി നടയടച്ചു.

ഇതിനുമുമ്പ് തിരുവാഭരണങ്ങളുമായി പതിനെട്ടാംപടി ഇറങ്ങി പന്തളത്തേക്ക് മടക്കയാത്ര ആരംഭിച്ചു. ചൊവ്വാഴ്ച വരെയായിരുന്നു തീര്‍ഥാടകര്‍ക്ക് ദര്‍ശനത്തിന് അവസരം. ഉദയാസ്തമയ പൂജയും പടിപൂജയും കഴിഞ്ഞ് ചൊവ്വാഴ്ച രാത്രി ഒമ്ബതിന് ഹരിവരാസനം പാടി നടയടച്ചശേഷം മാളികപ്പുറത്ത് ഗുരുതിയും നടത്തി. കുംഭമാസ പൂജകള്‍ക്ക് ശബരിമല ക്ഷേത്രനട ഫെബ്രുവരി 12ന് വൈകീട്ട് വീണ്ടും തുറക്കും.