പോസ് യന്ത്രം തകരാറിലായി ; സംസ്ഥാനത്ത് റേഷന് വിതരണം തടസ്സപ്പെട്ടു; നെറ്റ്വര്ക്ക് പ്രശ്നം മൂലമാണ് മണിക്കൂറുകളോളം റേഷന് വിതരണം പൂര്ണമായും മുടങ്ങി
സംസ്ഥാനത്ത് റേഷന് വിതരണം തടസ്സപ്പെട്ടു. ഇ പോസ് യന്ത്രം തകരാറിലായതോടെയാണ് റേഷന് വിതരണം തടസ്സപ്പെട്ടത്. നെറ്റ്വര്ക്ക് പ്രശ്നം മൂലമാണ് മണിക്കൂറുകളോളം റേഷന് വിതരണം പൂര്ണമായും മുടങ്ങിയത്. കിറ്റുകളുടെ വിതരണവും മുടങ്ങി. മൂന്നു ദിവസമായി നെറ്റ് വര്ക്ക് തകരാര് മൂലം റേഷന് വിതരണം തടസ്സപ്പെടുകയാണ്. റേഷന് വ്യാപാരികള് ഇക്കാര്യം ബന്ധപ്പെട്ട അധികൃതരെ അറിയിക്കുകയും ചെയ്തു.
തകരാര് ഉടന് പരിഹരിക്കുമെന്ന് സിവില് സപ്ലൈസ് വകുപ്പ് അറിയിക്കുകയുണ്ടായി. രാവിലെ 9 മുതലാണ് വ്യാപകമായി നെറ്റ് വര്ക്ക് തടസ്സപ്പെട്ടത്. യന്ത്രം പ്രവര്ത്തിച്ച റേഷന്കടകളില്തന്നെ ഓരോരുത്തരുടെയും വിരലടയാളം പതിക്കാനും ഒടിപി വരാനുമൊക്കെ ഏറെ നേരം കാത്തിരിക്കേണ്ട അവസ്ഥയാണുണ്ടായത്. മിക്കവാറും ദിവസങ്ങളില് നെറ്റ് വര്ക്ക് കിട്ടാതെ ഇടയ്ക്കിടക്ക് ഇ പോസ് തടസ്സപ്പെടാറുണ്ട്. എന്നാല്, മണിക്കൂറുകളോളം സേവനം നിലച്ചതോടെയാണ് റേഷന് വിതരണം സ്തംഭിച്ചത്. മാസാവസാനമായതിനാല് കൂടുതല് ആൾക്കാർ റേഷന് വാങ്ങാനെത്തിയതാണ് നെറ്റ് വര്ക്ക് പ്രശ്നത്തിന് കാരണമെന്നാണ് അധികൃതര് പറയുന്നത്.
https://www.facebook.com/Malayalivartha