കണ്ണൂര്‍ സര്‍വകലാശാലയുടെ ഹോം വാല്യൂവേഷന്‍ നടത്തിയ വിദൂര വിദ്യാഭ്യാസ രണ്ടാം വര്‍ഷ ബിരുദം കോമേഴ്‌സ് പേപ്പറിന്റെ ഉത്തരക്കടലാസുകൾ വഴിയോരത്ത്.... അടുത്ത മാസം പരീക്ഷ ഫലം വരാനിരിക്കെ കണ്ടെത്തിയത് നൂറ് കണക്കിന് ഉത്തരക്കടലാസുകള്‍
കണ്ണൂര്‍ സര്‍വകലാശാലയുടെ ഉത്തരക്കടലാസുകള്‍ വഴിയോരത്ത്. നൂറ് കണക്കിന് ഉത്തരക്കടലാസുകള്‍ മലപ്പട്ടം ഭാഗത്തു നിന്നും കണ്ടെത്തിയതായി കെഎസ് യു കണ്ണൂര്‍ ജില്ലാ പ്രസിഡന്റ് മുഹമ്മദ് ഷമ്മാസ്.
ഹോം വാല്യൂവേഷന്‍ നടത്തിയ വിദൂര വിദ്യാഭ്യാസ രണ്ടാം വര്‍ഷ ബിരുദം കോമേഴ്‌സ് പേപ്പറിന്റെ ഉത്തരക്കടലാസുകളാണ് കളഞ്ഞ് കിട്ടിയത്.
അടുത്ത മാസം പരീക്ഷ ഫലം വരാനിരിക്കെയാണ് വഴിയോരത്ത് നിന്ന് ഉത്തരക്കടലാസുകള്‍ കിട്ടിയത്.
ഈ പഴുതില്‍ രാഷ്ട്രീയ താല്‍പര്യമുള്ള പലരേയും വിജയിപ്പിക്കുന്നു എന്നും ആരോപിച്ചു. സംഭവത്തില്‍ പ്രതിഷേധിച്ച്‌ കെ എസ് യുപ്രവര്‍ത്തകര്‍ സര്‍വ്വകലാശാലയിലേക്ക് മാര്‍ച്ച്‌ നടത്തി.
അതെ സമയം സര്‍വകലാശാലയില്‍ നിന്നും ഹോം വല്യുവേഷന് വേണ്ടി എം.സി രാജേഷ് എന്ന അസിസ്റ്റന്റ് പ്രോഫസര്‍ ഒപ്പിട്ട് കൈപ്പറ്റിയ ഉത്തരക്കടലാസുകള്‍ ബൈക്ക് യാത്രക്കിടയില്‍ നഷ്ടപ്പെടുകയായിരുന്നെന്ന് പ്രാഥമിക അന്വേഷണത്തില്‍ മനസ്സിലായതായി പി വി സി യുടെ ഓഫീസ് അറിയിച്ചു.
തുടര്‍നടപടി സ്വീകരിക്കുന്നതിനായി പി.വി.സി പ്രൊഫ. എ സാബു അധ്യക്ഷനായ കമ്മറ്റി രൂപീകരിച്ച്‌ അന്വേഷണം തുടങ്ങിയതായും സര്‍വ്വകലാശാല അധികൃതര്‍ അറിയിച്ചു.
https://www.facebook.com/Malayalivartha
