ബിജു രാധാകൃഷ്ണൻ ഒന്നാം പ്രതിയും സരിത എസ്. നായർ രണ്ടാം പ്രതിയുമായി കോഴിക്കോട് രജിസ്റ്റര്‍ ചെയ്ത കേസില്‍ വിധി പറയുന്നത് മാറ്റി. സോളാർ തട്ടിപ്പുമായി ബന്ധപ്പെട്ട കേസാണിത്. ഈ മാസം 11 ന് കോഴിക്കോട് ജുഡീഷ്യല്‍ ഫസ്റ്റ് ക്ലാസ് മജിസ്ട്രേറ്റ് കോടതി വിധി പറയും. കോഴിക്കോട് സ്വദേശിയായ
അബ്ദുല്‍ മജീദിന്റെ വീട്ടിലും ഓഫിസിലുമായി സോളാര്‍ പാനല്‍ സോളാര്‍ സ്ഥാപിക്കാനായി 42.70 ലക്ഷം രൂപ വാങ്ങി വഞ്ചിച്ചെന്നാണ് കേസ്.

കൊടുങ്ങല്ലൂർ സ്വദേശി ബി.മണിമോനാണ് മൂന്നാം പ്രതി ഇയാൾക്ക് പ്രതികൾക്ക് വേണ്ടി വ്യാജരേഖകൾ തയ്യാറാക്കി. മജിസ്‌ട്രേറ്റ് അവധി ആയതിനാലാണ് ഇന്ന് വിധി പറയാതിരുന്നത്. 2018 ജനുവരി 25ന് വിചാരണ ആരംഭിച്ച കേസില്‍ 36 സാക്ഷികളെ വിസ്തരിച്ചു. 2018 ഒക്ടോബറില്‍ വിചാരണ പൂര്‍ത്തിയായി. മജിസ്‌ട്രേറ്റ് സ്ഥലം മാറിയതിനാല്‍ പുതിയ മജിസ്‌ട്രേറ്റ് ചുമതലയേറ്റ് വീണ്ടും വാദം കേട്ടാണ് കേസില്‍ വിധി പറയുന്നത്.