നാട്ടുകാർ കണ്ടത് ഓടിക്കൊണ്ടിരുന്ന വാൻ ആളിക്കത്തുന്ന കാഴ്ച്ച! വാഹനം വെടിവെച്ചപാറ വളവില്‍ നിന്നതോടെ നാട്ടുകാര്‍ ഓടിക്കൂടി; രക്ഷാപ്രവർത്തനത്തിന് എത്തിയവർ കണ്ട കാഴ്ച്ച ഭയാനകം! വെന്തുമരിച്ച ഡ്രൈവറെ പുറത്തെടുത്തത് വാനിന്റെ മുന്‍ഭാഗം വെട്ടിപ്പൊളിച്ച്; സംഭവം ഇങ്ങനെ...
ഓടിക്കൊണ്ടിരുന്ന വാനിന് തീപിടിച്ച്‌ ഡ്രൈവര്‍ക്ക് ദാരുണാന്ത്യം. കാളികാവ് സ്രാമ്ബിക്കല്ലിലെ ശാഫി (44) ആണ് മരിച്ചത്.
സ്രാമ്പിക്കല്ലിലെ വീട്ടില്‍ നിന്ന് കാളികാവിലേക്ക് വരികയായിരുന്ന ശാഫിയുടെ വാനിന് പുല്ലങ്കോടുവെച്ചാണ് തീപിടിച്ചത്.
വെള്ളിയാഴ്ച രാത്രി ഏഴരയോടെയാണ് സംഭവം. തീ ആളിപ്പടര്‍ന്നാണ് വാഹനം വെടിവെച്ചപാറ വളവില്‍ നിന്നത്. ശാഫി ഇതിനകത്ത് കുടുങ്ങിക്കിടക്കുകയായിരുന്നു. നാട്ടുകാര്‍ ഓടിക്കൂടി തീയണയ്ക്കാനുള്ള ശ്രമങ്ങള്‍ നടത്തി.
കാളികാവ് പോലീസിന്റെ തൃത്വത്തില്‍ മുക്കാല്‍ മണിക്കൂറോളം നീണ്ട രക്ഷാപ്രവര്‍ത്തനത്തിനൊടുവില്‍ വാനിന്റെ മുന്‍ഭാഗം വെട്ടിപ്പൊളിച്ചാണ് ശാഫിയെ പുറത്തെടുത്ത്. തിരിച്ചറിയാത്ത രൂപത്തില്‍ മൃതദേഹം വെന്തു കരിഞ്ഞ നിലയിലായിരുന്നു.
ഷോര്‍ട്ട് സര്‍ക്യൂട്ടാവാം അപകടകാരണമെന്നാണ് പ്രാഥമിക നിഗമനം. തിരുവാലി, നിലമ്ബൂര്‍ എന്നിവിടങ്ങളില്‍നിന്ന് അഗ്‌നിരക്ഷാസേനയും സ്ഥലത്തെത്തിയാണ് തീ പൂര്‍ണമായും അണച്ചത്.
https://www.facebook.com/Malayalivartha
