നിന്ന നിൽപ്പിൽ വീടുയരുന്ന കൗതുക വാർത്ത കേട്ടിട്ടുണ്ട് ആദ്യമായി കണ്ടതിന്റെ സന്തോഷത്തിലാണ് കുലുക്കല്ലൂര്‍ ഗ്രാമവാസികൾ. കൊപ്പം ഇടുതറ മക്കര പുത്തൻ വീട്ടിൽ നാരായണന്റെ വീടായിരുന്നു നിന്ന നില്പിൽ ഉയർന്നത്. കഴിഞ്ഞ രണ്ട് പ്രളയത്തിലും നാരായണന്റെ വീട് വെള്ളത്തിനടിൽ ആയി. ഇതിൽ നിന്നും രക്ഷനേടാൻ വിവിധ വഴികൾ ഇവർ കണ്ടെത്തിയെങ്കിലും പരിഹാരമൊന്നും ലഭിച്ചില്ല. തുടർന്നായിരുന്നു ഹരിയാനയിലെ 'ആശീര്‍വാദ്' ഹൗസ് ലിഫ്റ്റിങ് കമ്ബനിയെക്കുറിച്ചു വിവരം ലഭിച്ചത്.

സമീപത്തുള്ള തോട് കരകവിഞ്ഞൊഴുകിയും പ്രളയ സമയത്ത് നാരായണന്റെ വീട് മൂന്ന് ദിവസത്തോളം വെള്ളത്തിനടിയിലായി. ഇപ്പോൾ ആശീർവാദ് കമ്ബനി അധികൃതര്‍ വീടിന്റെ അവസ്ഥ വിലയിരുത്തി കരാര്‍ ഏറ്റെടുക്കുകയും. ചുമരിനും ജനാലകള്‍ക്കും കോണിപ്പടിക്കും അടക്കം ഒരു കേടും സംഭവിക്കാതെയാണ് 1500 ചതുരശ്ര അടി വിസ്തീര്‍ണമുള്ള, 18 വര്‍ഷം പഴക്കമുള്ള വീട് ഉയര്‍ത്തുകയും ചെയ്തത്.

ജനുവരി മാസം 18 മുതൽ വീടിന്റെ പണി ആരംഭിക്കുകയായിരുന്നു. ഇതിനായി നൂറ്റി അൻപതിലേറെ ജാക്കികൾ ഉപയോഗിക്കുകയായിരുന്നു. തുടർന്ന്, വീടിന്റെ നാലു ഭാഗവും ജാക്കികള്‍ സ്ഥാപിച്ച്‌ ചുമര്‍ തറയില്‍നിന്ന് ഉയര്‍ത്തി ഇപ്പോൾ തറപണിയുടെ അവസാന ഘട്ടത്തിൽ എത്തി നിൽക്കുകയാണ്. ഈകൗതുക കാഴ്ചയുടെ മുഴുവൻ ചിലവിന് മൂന്നര ലക്ഷം രൂപയാണ് ആവശ്യമായി വന്നത്.