കേരളത്തിൽ ബിജെപി അധികാരത്തില് എത്തിയാൽ: ആദ്യം ദേവസ്വം ബോര്ഡ് പിരിച്ചുവിടും പിന്നെ ഉത്തര്പ്രദേശ് മാതൃകയില് ലൗ ജിഹാദ് തടയാനുള്ള നിയമംകൊണ്ടുവരും; കെ. സുരേന്ദ്രന്
സംസ്ഥാനത്ത് ബിജെപി അധികാരത്തിലെത്തിയാൽ കേരളത്തിലെ മുഴുവൻ ദേവസ്വം ബോര്ഡുകളും ആദ്യം തന്നെ പിരിച്ചുവിടുമെന്ന് കെ. സുരേന്ദ്രന്.
രാഷ്ട്രീയക്കാരെ ഒഴിവാക്കി വിശ്വാസികളെ ഭരണമേല്പ്പിക്കുമെന്നും ബിജെപി സംസ്ഥാന അധ്യക്ഷന് കെ. സുരേന്ദ്രൻ വ്യക്തമാക്കി. കേരളത്തിലെ ക്ഷേത്രങ്ങള് തകരുന്നതിന്റെ പ്രധാനകാരണം സര്ക്കാരിന്റെ അധീനതയില് കൊണ്ടുവരാന് രാഷ്ട്രീയ പാര്ട്ടികള് നടത്തുന്ന നീക്കങ്ങളാണെന്നും അദ്ദേഹം ആരോപിച്ചു.
ശബരിമല വിഷയത്തിലെ പ്രക്ഷോഭ കാലത്ത് യുഡിഎഫ് നേതാക്കള് മാളത്തിലൊളിച്ചിരുന്നു. കോണ്ഗ്രസിന്റെ ഒരു നേതാവും സമരത്തില് ജനങ്ങളോടൊപ്പം ഇല്ലായിരുന്നു. കോണ്ഗ്രസിന്റെ ഒരു ബൂത്ത് നേതാവിന് പോലും ശബരിമല സമരത്തിന്റെ പേരില് കേസെടുത്തിട്ടില്ല. പത്തനംതിട്ടയ്ക്കപ്പുറത്തേക്ക് കോണ്ഗ്രസിനെ എവിടേയും കണ്ടില്ല. ഞങ്ങളാണ് സര്ക്കാരിനെ മുട്ടുകുത്തിച്ചതെന്നും അദ്ദേഹം പരാമർശിച്ചു.
അയ്യപ്പഭക്തരുടെ കാര്യത്തിൽ മുൻ മുഖ്യമന്ത്രി ഉമ്മന്ചാണ്ടിയെ പോലെ ക്രൂരമായ നിലപാട് സ്വീകരിച്ചയാള് വേറെ ആരുമില്ല. ഒരു പ്രസ്താവന പോലും അദ്ദേഹം അന്ന് പറഞ്ഞില്ല. അത് ഹിന്ദുക്കളുടെ കാര്യമല്ലേ അവര് എന്തുവേണമെങ്കിലും ആയിക്കോട്ടെ എന്ന നിലപാടായിരുന്നു ഉമ്മന്ചാണ്ടിക്കുണ്ടായിരുന്നത്.
ശബരിമല കാലത്ത് വിശ്വാസികള്ക്കെതിരേ എടുത്ത എല്ലാ കേസുകളും പിന്വലിക്കാന് പിണറായി സര്ക്കാര് തയ്യാറുണ്ടോയെന്ന് പറയണം എന്നും അദ്ദേഹം ആരാഞ്ഞു.
ശബരിമല വിഷയത്തില് നിലപാട് മാറ്റിയെന്ന് പറയുന്നവര് അത് പരസ്യമാക്കണമെന്നും ബി.ജെ.പി അധികാരത്തിലെത്തിയാല് ഉത്തര്പ്രദേശ് മാതൃകയില് ലൗ ജിഹാദ് തടയാനുള്ള നിയമം കൊണ്ടുവരുമെന്നും പറഞ്ഞു. യുഡിഎഫും എല്ഡിഎഫും അതിന് തയ്യാറുണ്ടോയെന്ന് പറയണമെന്നും വിശ്വാസികളുടെ കാര്യത്തില് പ്രസ്താവനകള് കൊണ്ട് കാര്യമില്ല മറിച്ച് നടപടികളാണ് ആവശ്യമെന്നും കെ. സുരേന്ദ്രൻ സൂചിപ്പിച്ചു.
"https://www.facebook.com/Malayalivartha
