കടയില് പോയി മടങ്ങി വന്ന വീട്ടമ്മയുടെ മാല മോഷ്ടിക്കാന് ശ്രമം....പിടിവലിക്കിടെ വീട്ടമ്മ കുളത്തിലേക്ക് വീണു, നിലവിളിച്ചതോടെ യുവാവ് വെള്ളത്തിലേക്ക് എടുത്തുചാടി വീണ് കഴുത്ത് ഞെരിച്ചു, ഒടുവില് ....
കടയില് പോയി മടങ്ങി വന്ന വീട്ടമ്മയുടെ മാല മോഷ്ടിക്കാന് ശ്രമം....പിടിവലിക്കിടെ വീട്ടമ്മ കുളത്തിലേക്ക് വീണു, നിലവിളിച്ചതോടെ യുവാവ് വെള്ളത്തിലേക്ക് എടുത്തുചാടി വീണ് കഴുത്ത് ഞെരിച്ചു, ഒടുവില് സംഭവിച്ചതിങ്ങനെ.
തിരുവട്ടാറിന് സമീപം മാല പൊട്ടിക്കുന്നിനിടെ കുളത്തില് വീണ വീട്ടമ്മയെ മോഷ്ടാവ് കഴുത്ത് ഞെരിച്ച് കൊലപ്പെടുത്തി. മേക്കാമണ്ഡപം ഉമ്മന്കോട് സ്വദേശി നെല്സന്റെ ഭാര്യ മേരിജയയാണ് മരിച്ചത്. 45 വയസായിരുന്നു.
സംഭവത്തില് പ്രതിയായ ഉമ്മന്കോട് സ്വദേശി മെര്ലിന് ജപരാജിനെ(40) നാട്ടുകാര് പിടികൂടി പോലിസിനെ ഏല്പ്പിച്ചു.മിലിട്ടറി സര്വീസില് നിന്നും പുറത്താക്കപ്പെട്ടയാളാണ് ഇയാള്. ഇന്നലെ വൈകുന്നേരം റേഷന് കടയില് പോയി വീട്ടിലേക്ക് മടങ്ങവെയാണ് മേരിജയ ആക്രമിക്കപ്പെട്ടത്.
ഉമ്മന്കോട് കുളത്തിന് സമീപം വെച്ചായിരുന്നു സംഭവം നടന്നത്. ജപരാജ് മാലപൊട്ടിക്കാന് ശ്രമിച്ചപ്പോള് മേരിജയ തട്ടിമാറ്റി. ഇതിനിടെ മേരിജയ കുളത്തിലേക്ക് വീണു, നിലവിളിച്ചതോടെ ജപരാജ് കുളത്തിലേക്ക് ചാടിവീണ് കഴുത്ത് ഞെരിച്ച് മേരിജയയെ കൊലപ്പെടുത്തുകയായിരുന്നു. ഇരുവരെയും നാട്ടുകാര് കരയ്ക്കെത്തിച്ചു.
എന്നാല് മേരിജയയുടെ ജീവന് രക്ഷിക്കാനായില്ല. തിരുവട്ടാര് പോലീസ് സ്ഥലത്തെത്തി മെര്ലിന് ജപരാജിനെ അറസ്റ്റു ചെയ്തു. നെല്സണ്മേരിജയ ദമ്പതിമാര്ക്ക് രണ്ട് പെണ്മക്കളുണ്ട് .
https://www.facebook.com/Malayalivartha
