പ്രതിപക്ഷ നേതാവ് രമേശ് ചെന്നിത്തല നയിക്കുന്ന ഐശ്വര്യ കേരള യാത്ര തൃപ്പൂണിത്തുറ എത്തിയതിനിടെ വേദിയില് പ്രത്യക്ഷപ്പെട്ട മേജര് രവിയെ കണ്ടപ്പോൾ ചങ്ക് തകർന്ന് ബിജെപി നേതാക്കള്; മേജര് രവിയെ അനുനയിപ്പിച്ച് തിരിച്ചെത്തിക്കാന് ബിജെപി!
കോണ്ഗ്രസിലേക്ക് ചേക്കേറിയ സംവിധായകന് മേജര് രവിയെ അനുനയിപ്പിച്ച് തിരിച്ചെത്തിക്കാന് ബിജെപി നേതൃത്വത്തിന്റെ പരിശ്രമം തുടരുന്നു. ബിജെപി-ആര്എസ്എസ് നേതാക്കള് മേജര് രവിയുമായി സംസാരിച്ചെന്നാണ് റിപ്പോര്ട്ടുകള്.
പ്രതിപക്ഷ നേതാവ് രമേശ് ചെന്നിത്തല നയിക്കുന്ന ഐശ്വര്യ കേരള യാത്ര തൃപ്പൂണിത്തുറ എത്തിയതിനിടെ വേദിയില് പ്രത്യക്ഷപ്പെട്ട മേജര് രവിയെ തിരികെ എത്തിക്കുകയാണ് ബിജെപിയുടെ ലക്ഷ്യം.ബിജെപിനേതൃത്വവുമായി വലിയ ബന്ധം പുലര്ത്തിയിരുന്ന മേജര് രവി പെട്ടെന്ന് മറുകണ്ടം ചാടിയത് വലിയ അമ്പരപ്പാണ് ഉണ്ടാക്കിയിരിക്കുന്നത്. ബിജെപി നേതാക്കളുടെ പ്രചാരണ പരിപാടികളിലെല്ലാം മേജര് രവി പങ്കെടുക്കുകയും ചെയ്തിരുന്നു.
എന്നാല് അടുത്തിടെ ബിജെപി നേതാക്കള്ക്കെതിരെ അദ്ദേഹം വലിയ വിമര്ശനം ഉന്നയിച്ചതും ശ്രദ്ധേയമായിരുന്നു. ബിജെപിയുടെ പ്രധാന നേതാക്കള് മേജര് രവിയുമായി ഫോണില് സംസാരിച്ചെന്നാണ് റിപ്പോര്ട്ടുകള്.
താന് നേരത്തേ ഉന്നയിച്ച വിമര്ശനങ്ങള് നേതാക്കളുമായി പങ്കുവെച്ചതായി മേജര് രവി പറഞ്ഞു. ഐശ്വര്യ കേരളയാത്രയുടെ സ്വീകരണയോഗത്തില് തന്നെ ക്ഷണിച്ചതിന്റെ അടിസ്ഥാനത്തിലാണ് പോയതെന്നും അദ്ദേഹം വ്യക്തമാക്കി.
കേരളത്തിലെത്തിയ പ്രധാനമന്ത്രി ബിജെപിയിലേക്ക് പുതിയ ആളുകളെ കൊണ്ടുവരുന്നതിനായി കേരള നേതൃത്വം ഒറ്റക്കെട്ടായി മുന്നിട്ടിറങ്ങണമെന്നും പൊതുജനസമ്മതിയുള്ളവരെ പാര്ട്ടിയിലേക്ക് ആകര്ഷിക്കണമെന്നും ആവശ്യപ്പെട്ടിരുന്നു. ഈ നിര്ദേശത്തിന്റെ കൂടി അടിസ്ഥാനത്തിലാണ് മേജര് രവിയെ അനുനയിപ്പിക്കാന് ശ്രമം നടത്തുന്നതെന്നാണ് സൂചന.
https://www.facebook.com/Malayalivartha
