ജമ്മു കശ്മീരിലെ ബാരാമുള്ള ജില്ലയിൽ ഇന്ന് പുലർച്ചെ നേരിയ ഭൂചലനം അനുഭവപ്പെടുകയുണ്ടായി. റിക്ടർ സ്കെയിലിൽ 3.6 തീവ്രത രേഖപ്പെടുത്തിയ ഭൂചലനം പുലർച്ചെ രണ്ടുമണിയോടെയാണെന്ന് നാഷണൽ സെന്റർ ഫോർ സീസ്മോളജി (NCS) . ഭൂമിക്കടിയിൽ 10 കിലോമീറ്റർ ആഴത്തിലാണ് ഭൂചലനത്തിന്റെ പ്രഭവകേന്ദ്രം രേഖപ്പെടുത്തിയിട്ടുള്ളത്. ഭൂചലനത്തെ തുടർന്ന് പ്രദേശത്തെ ചില കെട്ടിടങ്ങൾ നേരിയ തോതിൽ കുലുങ്ങിയതോടെ നാട്ടുകാർ പരിഭ്രാന്തരായി വീടുകളിൽ നിന്ന് പുറത്തേക്കിറങ്ങി.

എന്നാൽ ആളപായമോ സ്വത്തുനാശമോ റിപ്പോർട്ട് ചെയ്തിട്ടില്ലെന്ന് വ്യക്തമാക്കി അധികൃതർ. സ്ഥിതിഗതികൾ ബന്ധപ്പെട്ട വകുപ്പുകൾ നിരീക്ഷിച്ചുവരുന്നു. ഫെബ്രുവരിയിലും ബാരാമുള്ള മേഖലയിൽ ഭൂചലനം അനുഭവപ്പെട്ടിട്ടുണ്ടായിരുന്നു.

  a