സെക്രട്ടേറിയറ്റിന് പുറത്ത് ജീവന്മരണ സമരം നടത്തുന്ന ചെറുപ്പക്കാരോട് സര്ക്കാര് അല്പം മനുഷ്യത്വം കാണിക്കണം; പാര്ട്ടിക്കാര്ക്ക് മാത്രമേ ജോലി നല്കൂ എന്ന പിടിവാശി സര്ക്കാര് ഉപേക്ഷിക്കണം എന്ന് പ്രതിപക്ഷ നേതാവ് രമേശ് ചെന്നിത്തല
പിന്വാതില് നിയമനങ്ങളുടെയും സ്ഥിരപ്പെടുത്തലുകളുടെയും കൂട്ടപൊരിച്ചിലാണ് ഇന്ന് പ്രത്യേക മന്ത്രി സഭാ യോഗത്തില് നടക്കാന് പോകുന്നത്. ശനിയും ഞായറും അവധിയായിരുന്നിട്ടും സെക്രട്ടേറിയറ്റില് രാപ്പകല് ഉദ്യോഗസ്ഥര് ഉണര്ന്നിരുന്നാണ് സ്ഥിരപ്പെടുത്തലിനുള്ള ഫയലുകള് ശരിയാക്കിയത്.
ഈ ഉത്സാഹം നാടിന്റെ വികസനത്തില് കാണിച്ചിരുന്നുവെങ്കില് എത്ര നന്നാകുമായിരുന്നു. ജനങ്ങളുടെ ജീവല്പ്രശ്നങ്ങള് അടങ്ങിയ ഫയലുകള് കൂമ്പാരമായി കിടക്കുമ്പോഴാണ് സ്ഥിരപ്പെടുത്തലിനുവേണ്ടി മാത്രം സെക്രട്ടേറിയറ്റ് ഒന്നാകെ രണ്ട് അവധി ദിവസങ്ങളില് ഉണര്ന്നിരുന്ന് അതിനുള്ള ഫയലുകള് ശരവേഗത്തില് നീക്കിയത്.
സെക്രട്ടേറിയറ്റിന് പുറത്ത് ജീവന്മരണ സമരം നടത്തുന്ന ചെറുപ്പക്കാരോട് സര്ക്കാര് അല്പം മനുഷ്യത്വം കാണിക്കണം.പാര്ട്ടിക്കാര്ക്ക് മാത്രമേ ജോലി നല്കൂ എന്ന പിടിവാശി സര്ക്കാര് ഉപേക്ഷിക്കണം. സമരം ചെയ്യുന്നവരോട് ചര്ച്ച ചെയ്യണം. ഇന്നലെ അവരോട് അനുഭാവം പ്രകടിപ്പിച്ചു കൊണ്ട് യൂത്ത് കോണ്ഗ്രസ് സംസ്ഥാന പ്രസിഡന്റ് ഷാഫി പറമ്പില് എം.എല്.എയും വൈസ് പ്രസിഡന്റ് ശബരീനാഥന് എം.എല്.എയും സെക്രട്ടേറിയറ്റ് പടിക്കല് നിരാഹാര സത്യാഗ്രഹം ആരംഭിച്ചിട്ടുണ്ട്. പി.എസ്.സി. റാങ്ക് ലിസ്റ്റുകളില്നിന്ന് നിയമനം നടത്തണം. തസ്തികകളില്ലെങ്കില് തസ്തികകള് സൃഷ്ടിക്കണം. റാങ്കുലിസ്റ്റുകളുടെ കാലാവധി നീട്ടണം.
https://www.facebook.com/Malayalivartha
