'കോണ്‍ഗ്രസ് പാര്‍ട്ടിയില്‍ ഇപ്പോള്‍ സുബ്രഹ്മണ്യനല്ല, ഗണപതിക്കാണ് പ്രാധാന്യം'; നിയമസഭാ തെരഞ്ഞെടുപ്പിന് ശേഷം സംഘടനാ തെരഞ്ഞെടുപ്പ് വേണമെന്ന ആവശ്യവുമായി കെ മുരളീധരന്‍ എംപി
നിയമസഭാ തെരഞ്ഞെടുപ്പിന് ശേഷം സംഘടനാ തെരഞ്ഞെടുപ്പ് വേണമെന്ന ആവശ്യവുമായി കോണ്‍ഗ്രസ് നേതാവ് കെ മുരളീധരന്‍ എംപി. കോണ്‍ഗ്രസ് പാര്‍ട്ടിയില്‍ ഇപ്പോള്‍ സുബ്രഹ്മണ്യനല്ല, ഗണപതിക്കാണ് പ്രാധാന്യമെന്ന് കെ. മുരളീധരന്‍ പറഞ്ഞു. സുബ്രഹ്മണ്യന്‍ മൂന്നു ലോകവും ചുറ്റി വരുമ്ബോള്‍ മാമ്ബഴം ഗണപതിയുടെ കൈയിലിരിക്കും. പ്രവര്‍ത്തകര്‍ ബൂത്തില്‍ പണിയെടുത്ത് വരുമ്ബോള്‍, നേതാക്കന്മാര്‍ മൂന്ന് റൗണ്ട് അടിച്ചുവന്ന് ബൂത്ത്, മണ്ഡലം പ്രസിഡന്‍റുമാരാകുമെന്നും മുരളീധരന്‍ പറഞ്ഞു.
പാര്‍ട്ടിക്ക് വേണ്ടി എന്തിന് പ്രവര്‍ത്തിക്കണമെന്ന തോന്നലാണ് അണികള്‍ക്ക് ഇപ്പോഴുള്ളത്. നിയമസഭ തെരഞ്ഞെടുപ്പിന് ശേഷം സംഘടനാ തെരഞ്ഞെടുപ്പ് നടത്തണമെന്നും മുരളീധരന്‍ ആവശ്യപ്പെട്ടു.ബൂത്ത് തലം മുതല്‍ സംഘടനാ തെരഞ്ഞെടുപ്പ് നടന്നാല്‍ പാര്‍ട്ടി ശക്തിപ്പെടും. കൂടുതല്‍ പ്രവര്‍ത്തകര്‍ കോണ്‍ഗ്രസിലേക്ക് വരുമെന്നും അതോടെ പരാതികള്‍ ഒഴിവാക്കാന്‍ സാധിക്കുമെന്നും മുരളീധരന്‍ ചൂണ്ടിക്കാട്ടി.
https://www.facebook.com/Malayalivartha
