കെ എസ് ആർ ടി സി യിൽ കൂട്ട സ്ഥല മാറ്റം, മാനദണ്ഡങ്ങൾ പാലിച്ചില്ലെന്ന് ആക്ഷേപം. മൂ​ന്നു​വ​ര്‍ഷം കൂ​ടു​മ്പോള്‍ ഉ​ണ്ടാ​കു​ന്ന ജീ​വ​ന​ക്കാ​രു​ടെ ജ​ന​റ​ല്‍ ട്രാ​ന്‍സ്ഫ​റി​ല്‍ മാ​ന​ദ​ണ്ഡ​ങ്ങ​ള്‍ പാ​ലി​ക്കാതെ ആയിരുന്നു കൂ​ട്ട സ്ഥ​ലം​മാ​റ്റം. സ്ഥ​ലം മാ​റ്റി​യ​വ​ര്‍ക്ക് പ​ക​രം ജീ​വ​ന​ക്കാ​രെ​ത്താ​ത്ത​ത് കാ​ര​ണം പ​ല ഡി​പ്പോ​ക​ളു​ടെ​യും പ്ര​വ​ര്‍ത്ത​ന​ത്തെയും സാരമായി ബാധിച്ചിരിക്കുകയാണ്. സം​സ്ഥാ​ന​ത്തു​നി​ന്ന്​ 3013 ക​ണ്ട​ക്ട​ര്‍മാ​രെ​യും 1615 ഡ്രൈ​വ​ര്‍മാ​രെ​യു​മാ​ണ് ഇപ്പോൾ സ്ഥലം മാറ്റിയിരിക്കുന്നത്.

അ​പേ​ക്ഷ ന​ല്‍കി​യ ചു​രു​ക്കം വ​നി​താ ജീ​വ​ന​ക്കാ​രെ മാ​ത്ര​മാ​ണ് ലിസ്റ്റിൽ ഉൾപ്പെടുത്തിയത്. മു​ന്‍കാ​ല​ങ്ങ​ളി​ല്‍ ജോ​ലി ചെ​യ്യു​ന്ന ജി​ല്ല​യി​ലെ ഡി​പ്പോ​ക്ക് സ​മീ​പ​മു​ള്ള മ​റ്റ് ഡി​പ്പോ​ക​ളി​ലേ​ക്ക് വ​നി​താ ജീ​വ​ന​ക്കാ​രെ ജ​ന​റ​ല്‍ ട്രാ​ന്‍സ്ഫ​റി​ല്‍ ഉ​ള്‍പ്പെ​ടു​ത്തി സ്ഥ​ലം മറ്റുമായിരുന്നു. ഇ​തി​നെ​തി​രെ വ​നി​താ ജീ​വ​ന​ക്കാ​രി​ല്‍നി​ന്നു​ത​ന്നെ പ്ര​തി​ഷേ​ധം ഉ​യ​ര്‍ന്നു. അ​ടൂ​ര്‍, പ​ത്ത​നം​തി​ട്ട ഡി​പ്പോ​ക​ളി​ല്‍ ജോ​ലി ഉ​പേ​ക്ഷി​ച്ചു​പോ​യ​വ​രും ലി​സ്​​റ്റി​ല്‍ ഇ​ടം​പി​ടി​ച്ചി​രിക്കുകയാണ്. ഫെ​ബ്രു​വ​രി​യി​ല്‍ ട്രാ​ന്‍സ്ഫ​ര്‍ ഓ​ര്‍ഡ​ര്‍ ഇ​റ​ക്കാ​റില്ലെന്നും ബു​ദ്ധി​മാ​ന്ദ്യ​മു​ള്ള കു​ട്ടി​ക​ളു​ടെ ര​ക്ഷാ​ക​ര്‍​ത്താ​വി​നെ​യും സു​ഖ​മി​ല്ലാ​ത്ത മാ​താ​പി​താ​ക്ക​ളെ നോ​ക്കു​ന്ന ജീ​വ​ന​ക്കാ​രെ​യും ട്രാ​ന്‍സ്ഫ​റു​ക​ളി​ല്‍നി​ന്ന്​ ഒ​ഴി​വാ​ക്കാ​റു​ണ്ടെ​ന്നും ജീ​വ​ന​ക്കാ​ര്‍ വ്യക്തമാക്കി.

കൂടാതെ സ്ഥ​ലം​ മാറ്റ ലി​സ്​​റ്റി​ല്‍ മ​രി​ച്ച ജീ​വ​ന​ക്കാ​ര​നും ഉ​ള്‍പ്പെ​ട്ടി​ട്ടു​ണ്ട്. മാ​ന​ദ​ണ്ഡ​ങ്ങ​ള്‍ പാ​ലി​ക്കാ​തെ​യു​ള്ള സ്ഥ​ലം​മാ​റ്റ​ത്തി​നെ​തി​രെ ജീ​വ​ന​ക്കാ​ര്‍ ഹൈ​കോ​ട​തി​യെ സ​മീ​പി​ച്ചിരിക്കയാണ്. ബു​ധ​നാ​ഴ്ച കേ​സ് കോ​ട​തി പ​രി​ഗ​ണി​ക്കുമെന്ന് അറിയിക്കുകയുണ്ടായി .