നമ്പര്പ്ലേറ്റ് ഇല്ലാത്ത കാറിലെത്തിയ അജ്ഞാതന് വീട്ടമ്മയെ ആക്രമിച്ച് മാലയുമായി കടന്നു; ആക്രമണത്തെ പ്രതിരോധിച്ച വീട്ടമ്മയ്ക്ക് പരിക്ക്
പട്ടാപ്പകല് അജ്ഞാതന് വീട്ടമ്മയെ ആക്രമിച്ച് മാലയുമായി കടന്നു. ളാക്കാട്ടൂര് സ്രായില് ജഗദമ്മയാണ് അക്രമത്തിന് ഇരയായത്. നമ്പര്പ്ലേറ്റ് ഇല്ലാത്ത കാറിലെത്തിയ അക്രമിയാണ് വീട്ടമ്മയെ ആക്രമിച്ചത് .
അടുത്തിടെയായി ചുവപ്പുകളറിലുള്ള മാരുതി കാര് ഈ പ്രദേശത്തു കറങ്ങിനടക്കുന്നതായി നാട്ടുകാരുടെ ശ്രദ്ധയില്പെട്ടിരുന്നു. എന്നാല് തിങ്കളാഴ്ച ഈ കാറുമായി ഒരാള് ളാക്കാട്ടൂര് എം.ജി.എം.സ്കൂളിന് സമീപത്തുള്ള വീട്ടില് കുപ്പിയില് വെള്ളം എടുക്കാനെന്ന വ്യാജേന എത്തിയിരുന്നു. നമ്ബര്പ്ലേറ്റ് ഇല്ലാതിരുന്നതിനാല് സംശയം തോന്നിയ വീട്ടുകാര് അവരെ വെള്ളം എടുക്കാന് സമ്മതിക്കാതെ പറഞ്ഞുവിടുകയായിരുന്നു.അവിടെനിന്നിറങ്ങിയ അക്രമി റോഡരികില് നിന്ന ജഗദമ്മയുടെ മാല പൊട്ടിച്ചു.
ആക്രമണത്തെ പ്രതിരോധിച്ച ജഗദമ്മയേയും വലിച്ചുകൊണ്ട് കാര് കുറച്ചുദൂരം നീങ്ങിയതിനുശേഷം വഴിയില് തള്ളിയിടുകയായിരുന്നു. ഈ വീഴ്ചയിലാണ് ജഗദമ്മക്ക് കൈക്കും കാലിലും പരുക്ക് സംഭവിച്ചത്. നിലവിളികേട്ട് ഓടിക്കൂടിയ പ്രദേശവാസികളാണ് ജഗദമ്മയെ ആശുപത്രിയില് എത്തിച്ചത്. അതെ സമയം മാലയുടെ ഒരു ഭാഗം മാത്രമാണ് തിരിച്ചുകിട്ടിയത്.
https://www.facebook.com/Malayalivartha