സ്ഥാനാർഥി പട്ടിക പുറത്തുവന്നതിനുശേഷം കോൺഗ്രസ്സിനകത്ത് പ്രശ്നങ്ങൾ തുടങ്ങിയിരിക്കുകയാണ്. എന്നാൽ സ്​ഥാനാര്‍ഥി പട്ടിക പുറത്തിറക്കിയതുമായി ബന്ധപ്പെട്ട്​ സി.പി.എമ്മിലെ അത്രയൊന്നും പ്രതിഷേധം കോണ്‍ഗ്രസില്‍ ഉണ്ടായിട്ടില്ലെന്ന്​ പ്രതിപക്ഷ നേതാവ്​ രമേശ്​ ചെന്നിത്തല പറയുന്നത്. 'ചെറുപ്പക്കാര്‍ക്ക്​ ഏറെ അവസരം നല്‍കിയ പട്ടികയാണ്​ കോണ്‍​ഗ്രസിന്റേത്​.

ഒരു കാലഘട്ടത്തിലും ഇതുപോലെയൊരു മാറ്റം ഉണ്ടായിരുന്നില്ല. രാഹുല്‍ ഗാന്ധിയുടെ ആഗ്രഹങ്ങളും കാഴ്ചപ്പാടുകളും പ്രതിഫലിപ്പിക്കുന്നതാണ്​ പട്ടിക ആണിത്. ഈ ലിസ്റ്റിന്‍റെ മേന്മ കേരള രാഷ്​ട്രീയത്തില്‍ ചാ;ണം സൃഷ്ട്ടിക്കും. ഗുണപരമായ മാറ്റങ്ങലും വരും.

യുവത്വം പ്രസരിക്കുന്ന പട്ടികയാണിത്​​. ഇത്​ കോണ്‍ഗ്രസിന്‍റെ ദിശാമാറ്റത്തിന്‍റെ സൂചനയാണ്​. നിരവധി ​പ്രഗല്‍ഭരാണ്​ ഈ പട്ടികയില്‍ ഉള്‍പ്പെട്ടിരിക്കുന്നത്​. കോ​ണ്‍ഗ്രസ്​ വലിയൊരു പാര്‍ട്ടിയാണ്​. അതിനാല്‍ ഒരു മണ്ഡലത്തില്‍ തന്നെ അര്‍ഹരായ മൂന്നും നാലും ഉണ്ടായിരിക്കും. അതില്‍ ഒരാളെ മാത്രമോ മത്സരിപ്പിക്കാന്‍ കഴിയൂ. മറ്റുള്ളവര്‍ക്ക്​ പാര്‍ട്ടിയില്‍ വിവിധ തലങ്ങളില്‍ പ്രവര്‍ത്തിക്കാന്‍ അവസരംനല്കുമെന്നുമദ്ദേഹം വ്യക്തമാക്കി.

മുതിര്‍ന്നയാളുകളുടെ സേവനം പാര്‍ട്ടി ഫലപ്രദമായി വിനിയോഗിക്കും. കൂടുതല്‍ കാലഘട്ടം മത്സരിച്ചു എന്നത്​ അയോഗ്യതയല്ല. അവരെയും ഉപയോഗപ്പെടുത്തും. അതാണ്​ ഹൈകമാന്‍ഡിന്‍റെ ഇപ്പോഴത്തെ നിർദേശവും.

എവിടെയെങ്കിലൂം ചെറിയ തോതില്‍ പ്രതിഷേധം ഉണ്ടായിട്ടുണ്ടെങ്കില്‍ അവയെല്ലാം താല്‍ക്കാലികം മാത്രമാണ്​. യു.ഡി.എഫിന്‍റെ പട്ടികയാണ്​​ ഏറ്റവും മികച്ചതാണ്​. അതിന്‍റെ പ്രാധാന്യം ജനങ്ങള്‍ക്കും പ്രവര്‍ത്തകര്‍ക്കും ബോധ്യപ്പെടും. കേരളത്തിലെ അഴിമതി ഭരണത്തിനെതിരെ ഒരുമിച്ച്‌​ പോരാടേണ്ട സമയമാണിത്.

ബി.ജെ.പിയെ അക്കൗണ്ട്​ തുറക്കാന്‍ അനുവദിക്കില്ല. കെ. മുരളീധരന്‍ നേമത്ത്​ മത്സരിക്കുന്നത്​​ കൂട്ടായ തീരുമാനത്തിന്‍റെ അടിസ്​ഥാനത്തിലാണ്​. സി.പി.എമ്മും​ ബി.ജെ.പിയും പലയിടത്തും ധാരണയില്‍ എത്തിയിട്ടുണ്ട്​.മലമ്പുഴയിൽ ആരാണ്​ സ്​ഥാനാര്‍ഥിയെന്ന്​ ഇതുവരെ ആര്‍ക്കും മനസ്സിലായിട്ടില്ല. മഞ്ചേശ്വരത്തും ഇതേ കൂട്ടുകെട്ടുണ്ടെന്നും അദ്ദേഹം കൂട്ടിച്ചേർത്തു.