ഇത്തവണ എസ്.എസ്.എല്.സി പരീക്ഷ എഴുതാന് കൂടുതല് വിദ്യാര്ഥികള് മലപ്പുറത്ത്, കുറവ് ഇടുക്കിയിലും....
ഇത്തവണ എസ്.എസ്.എല്.സി പരീക്ഷ എഴുതാന് കൂടുതല് വിദ്യാര്ഥികള് മലപ്പുറത്ത്, കുറവ് ഇടുക്കിയിലും.... ഏപ്രില് എട്ടിന് ആരംഭിക്കുന്ന എസ്.എസ്.എല്.സി പരീക്ഷ മലപ്പുറത്ത് 76,037 വിദ്യാര്ഥികളാണ് ഇത്തവണ പരീക്ഷ എഴുതുന്നത്. ഇടുക്കിയില് 11,295 പേര്.
ഏറ്റവും കൂടുതല് പേര് പരീക്ഷയെഴുതുന്ന വിദ്യാഭ്യാസ ജില്ലയും മലപ്പുറം തന്നെ; 26,520 പേര്. കുറവ് വിദ്യാര്ഥികള് പരീക്ഷയെഴുതുന്ന വിദ്യാഭ്യാസ ജില്ല കുട്ടനാടാണ്; 2,050 വിദ്യാര്ഥികള്.
കൂടുതല് വിദ്യാര്ഥികള് പരീക്ഷയെഴുതുന്ന സ്കൂള് ഇത്തവണയും മലപ്പുറം എടരിക്കോട് പി.കെ.എം.എം.എച്ച്.എസ്.എസ് തന്നെയാണ്. 2076 പേര്. ഒറ്റ വിദ്യാര്ഥി മാത്രം പരീക്ഷയെഴുതുന്ന തിരുവല്ല നിരണം വെസ്റ്റ് കിഴക്കുംഭാഗം സെന്റ് തോമസ് എച്ച്.എസിലും ഇരിങ്ങാലക്കുട സംഘമേശ്വര എന്.എസ്.എസ് ഇ.എം.എച്ച്.എസ് എന്നിവയാണ് ഏറ്റവും കുറവ് കുട്ടികള് പരീക്ഷയെഴുതുന്നത്.
ഇത്തവണ മൊത്തം പരീക്ഷയെഴുതുന്ന 4,22,226 പേരില് 4,21,977 പേര് സ്കൂള് ഗോയിങ് വിഭാഗത്തിലാണ്. 2,15,660 പേര് ആണ്കുട്ടികളും 2,06,566 പേര് പെണ്കുട്ടികളുമാണ്.
സര്ക്കാര് സ്കൂളുകളില് 1,38,890 (70914 ആണ്, 67976 പെണ്) പേരും എയ്ഡഡ് സ്കൂളുകളില് 2,53,738 പേരും (129471 ആണ്, 124267പെണ്) അണ്എയ്ഡഡ് സ്കൂളുകളില് 29,598 പേരും (15275 ആണ്, 14323 പെണ്) പരീക്ഷയെഴുതും.
ഗള്ഫില് ഒമ്പത് കേന്ദ്രങ്ങളിലായി 573ഉം ലക്ഷദ്വീപില് ഒമ്പത് കേന്ദ്രങ്ങളിലായി 627പേരും പരീക്ഷയെഴുതും. മൊത്തം 2947 കേന്ദ്രങ്ങളിലാണ് പരീക്ഷ.
"
https://www.facebook.com/Malayalivartha