ഒരുരക്ഷയുമില്ലാതെ കത്തിപടരുന്നു... തെരഞ്ഞെടുപ്പ് കമ്മീഷന് പരാതി നല്കി ശോഭ സുരേന്ദ്രനെ കുപ്പിയിലിറക്കാമെന്ന് കരുതിയവര്ക്ക് തെറ്റി; ശോഭ സുരേന്ദ്രന്റെ മാപ്പ് പ്രതീക്ഷിച്ചവര്ക്ക് തിരിച്ചടി നല്കി വീണ്ടും അഞ്ഞടിച്ചു; അധികാര ദണ്ഡ് ജനം ഏറ്റെടുക്കുന്ന നിമിഷം കടകംപള്ളിയെന്ന പൂതനയ്ക്ക് മോക്ഷം കിട്ടും
സംസ്ഥാനത്ത് 140 മണ്ഡലങ്ങളുണ്ടെങ്കിലും ഒരു മണ്ഡലത്തിലെ വാക്പയറ്റാണ് സംസ്ഥാനം മുഴുവന് കേള്ക്കുന്നത്. ബിജെപി നേതാവ് ശോഭ സുരേന്ദ്രന്റെ വരവോടെ കഴക്കൂട്ടം മാറിമറിയുകയാണ്. കടകംപള്ളി സുരേന്ദ്രനെ പൂതന എന്ന് വിളിച്ച ശോഭ സുരേന്ദ്രന് മാപ്പ് പറയുമെന്നാണ് കരുതിയത്. എന്നാല് അതിനെക്കാള് ആഞ്ഞടിക്കുകയാണ് ശോഭ.
മന്ത്രി കടകം പള്ളി സുരേന്ദ്രനെ പൂതന എന്ന് വിളിച്ചതില് താന് ഉറച്ച് നില്ക്കുന്നുവെന്ന് ശോഭാ സുരേന്ദ്രന്. അധികാര ദണ്ഡ് ജനം ഏറ്റെടുക്കുന്ന നിമിഷം കടകംപള്ളിയെന്ന പൂതനയ്ക്ക് മോക്ഷം കിട്ടുമെന്ന് കഴക്കൂട്ടത്തെ ബിജെപി സ്ഥാനാര്ഥിയായ ശോഭ സുരേന്ദ്രന് പറഞ്ഞു.
പൂതന എന്ന വാക്ക് അറിയാത്തവരായി മലയാളികള് ആരും ഉണ്ടാകുമെന്ന് വിശ്വസിക്കുന്നില്ല. സുന്ദരി വേഷത്തില് കൃഷ്ണനെ കൊല്ലാനാണ് പൂതന വന്നത്.
പൂതന മോക്ഷം കഴക്കൂട്ടത്തിലെ ജനങ്ങള് കടകംപള്ളി സുരേന്ദ്രന് നല്കണമെന്നാണ് ഞാന് പറഞ്ഞത്. അതില് ഉറച്ച് നില്ക്കുന്നു. അധികാരത്തിന്റെ ദണ്ഡ് കടകംപള്ളിയില് നിന്ന് ജനാധിപത്യപരമായി കഴക്കൂട്ടത്തെ ജനങ്ങള് ഏറ്റെടുക്കുന്നുവോ, അന്ന് കടകംപള്ളിയാകുന്ന പൂതനയ്ക്ക് മോക്ഷം കിട്ടും. ആ മോക്ഷം നിയമസഭാ തിരഞ്ഞെടുപ്പ് കഴിഞ്ഞ് പെട്ടിപൊളിക്കുമ്പോള് ഉണ്ടാകുമെന്നും ശോഭാ സുരേന്ദ്രന് പറഞ്ഞു.
തനിക്കെതിരെ കടംകപള്ളി തിരഞ്ഞെടുപ്പ് കമ്മീഷന് പരാതി നല്കിയത് പരാജയ ഭീതികൊണ്ടാണ്. ഉപ്പുതിന്ന കടംകപള്ളി വെള്ളം കുടിക്കുമെന്നും ശോഭാ സുരേന്ദ്രന് പറഞ്ഞു.
ശബരിമലയിലെ ആചാരവും വിശ്വാസവും സംരക്ഷിക്കാന് ജീവന് നല്കാന് പോലും തയ്യാറാണെന്നും ശോഭ സുരേന്ദ്രന് പറഞ്ഞു. ആചാരലംഘനത്തിന് തയ്യാറായിരിക്കുന്ന എല്ഡിഎഫിനും ഗ്യാലറിയിരുന്ന് കളികാണുന്ന യുഡിഎഫിനും വിശ്വാസികളുടെ ശക്തി തിരഞ്ഞെടുപ്പ് കഴിഞ്ഞ് പെട്ടി പൊട്ടിക്കുമ്പോള് മനസിലാകുമെന്നും അവര് പറഞ്ഞു.
അവസരം ലഭിച്ചാല് ഇനിയും ആചാരം ലംഘിക്കുമെന്നാണ് സിപിഐ സെക്രട്ടറി കാനം രാജേന്ദ്രന്റെയും മുഖ്യമന്ത്രി പിണറായി വിജയന്റെയും പ്രസ്താവനകളില് നിന്നും വ്യക്തമാക്കുന്നത്. ആക്ടിവിസ്റ്റുകളെ പൊലീസ് യൂണിഫോം ധരിപ്പിച്ച് മലകയറ്റിച്ച മന്ത്രിയാണ് കടകംപള്ളി സുരേന്ദ്രന്.
തിരഞ്ഞെടുപ്പ് അടുത്തപ്പോള് അദ്ദേഹത്തിന് പെട്ടെന്ന് ഭക്തിയും ഖേദപ്രകടനവും ഒക്കെയുണ്ടായി. അയ്യപ്പസ്വാമിയെ അധിക്ഷേപിക്കുന്ന സ്വരാജിനോടും യുവതീപ്രവേശം വേണമെന്ന യെച്ചൂരിയോടും കഴക്കൂട്ടത്തെ എല്ഡിഎഫ് സ്ഥാനാര്ഥി കടകംപള്ളി സുരേന്ദ്രന് എന്ത് നിലപാടാണുള്ളതെന്ന് അറിയാന് കഴക്കൂട്ടത്തെ വോട്ടര്മാര്ക്ക് ആഗ്രഹമുണ്ട്. യുവതീപ്രവേശനവുമായി ബന്ധപ്പെട്ട് സുപ്രീംകോടതിയില് നല്കിയിരിക്കുന്ന സത്യവാങ് മൂലം തിരുത്തില്ലെന്ന മുഖ്യമന്ത്രി പിണറായി വിജയനോട് യോജിക്കുന്നുണ്ടോ എന്ന് കടകംപള്ളി തുറന്ന് പറയണമെന്നും അവര് ആവശ്യപ്പെട്ടു.
2016ല് കേന്ദ്രകമ്മിറ്റി അംഗവും മുന് എംപിയുമായ എന്.എന്. കൃഷ്ണദാസ് മൂന്നാം സ്ഥാനത്തായത് എല്ഡിഎഫ് കോണ്ഗ്രസുകാരനായ ഷാഫി പറമ്പിലിന് വോട്ടുമറിച്ച് നല്കിയതുകൊണ്ടാണ്. ഈ സംഭവത്തില് പുറത്താക്കിയ 16 സിപിഎമ്മുകാരെ പാര്ട്ടി ഉന്നതനേതൃത്വം ഇടപെട്ട് പിന്നീട് തിരിച്ചെടുത്തു.
ബിജെപി കഴിഞ്ഞതവണ ഏഴു സ്ഥലത്താണ് രണ്ടാമതെത്തിയത്. സിപിഎംകോണ്ഗ്രസ് അവിശുദ്ധ കൂട്ടുകെട്ടാണ് ബിജെപിയെ പരാജയപ്പെടുത്തിയതെന്നും ശോഭ പറഞ്ഞു. കെട്ടിപ്പൊക്കിയാല് ഉടന് തകരുന്ന പാലാരിവട്ടം മോഡല് വികസനം വേണോ കരുത്തുറ്റ പാമ്പന്പാലം മോഡല് വികസനം വേണോ എന്ന് കേരളത്തിന് തീരുമാനിക്കാനുള്ള അവസരമാണിപ്പോള് കൈവന്നിരിക്കുന്നത്. മെട്രോമാന് ഇ. ശ്രീധരന്റെ നേതൃത്വത്തിലുള്ള യഥാര്ഥവികസനം കേരളത്തില് കാഴ്ചവയ്ക്കാന് എന്ഡിഎക്ക് സാധിക്കുമെന്നും ശോഭസുരേന്ദ്രന് വ്യക്തമാക്കി.
https://www.facebook.com/Malayalivartha