വാഗ്ദാനങ്ങൾ നൽകി വഞ്ചിക്കില്ല പ്രവർത്തിച്ച് കാണിക്കുമെന്ന് കാഞ്ഞിരപ്പള്ളി മണ്ഡലം എന്ഡിഎ സ്ഥാനാര്ഥി അല്ഫോന്സ് കണ്ണന്താനം
വാഗ്ദാനങ്ങള് നല്കി ജനങ്ങളെ വഞ്ചിക്കില്ല മറിച്ച് പ്രവര്ത്തിച്ച് കാണിക്കുമെന്ന് കാഞ്ഞിരപ്പള്ളി നിയോജക മണ്ഡലം എന്ഡിഎ സ്ഥാനാര്ഥി അല്ഫോന്സ് കണ്ണന്താനം പറഞ്ഞു. നിരവധി ജനങ്ങള്ക്ക് ഗുണകരമായ പ്രവൃത്തികളാണ് അദ്ദേഹംഇതുവരെയും ചെയ്തത്. കറുകച്ചാലില് നടത്തിയ എന്ഡിഎ കാഞ്ഞിരപ്പള്ളി നിയോജക മണ്ഡലം കണ്വന്ഷനില് പ്രസംഗിക്കുകയായിരുന്നു കണ്ണന്താനം.
നാല് മാസങ്ങള്ക്ക് മുന്നേ സാങ്കേതിക കാരണങ്ങളാല് ഉപരി പഠനം നിഷേധിക്കപ്പെട്ട ഫര്ഹീന എന്ന പെണ്കുട്ടിയുടെ കണ്ണീരൊപ്പിയ സംഭവം കണ്ണന്താനത്തെ വാര്ത്തകളില് നിറച്ചിരുന്നു. സാങ്കേതിക വിദ്യയുടെ പേരില് എയിംസില് സീറ്റ് നിഷേധിച്ച ഫോര്ട്ട് കൊച്ചി സ്വദേശിനി ഫര്ഹീനയെയാണ് എംപി സഹായിച്ചിരുന്നത്.
അൽഫോൺസ് കണ്ണന്താനത്തിന്റെ സഹായത്താൽ വിദ്യാര്ത്ഥിനിയ്ക്ക് മെഡിക്കല് പ്രവേശനം സാധ്യമായി. ഒബിസി സര്ട്ടിഫിക്കറ്റില് പേര് മാറി എന്ന കാരണത്താല് എയിംസ് അധികൃതര് ഫര്ഹീനയ്ക്ക് സീറ്റ് നൽകാതിരുന്നത്.
തുടര്ന്ന് ഫര്ഹീനയുടെ സഹായത്തിനായി അല്ഫോന്സ് കണ്ണന്താനം എംപിയെ സമീപിക്കുകയും. ഈ വിഷയത്തില് ഇടപെട്ട എംപി കേന്ദ്ര ആരോഗ്യമന്ത്രി ഡോ. ഹര്ഷവര്ദ്ധനെ നേരില്കണ്ട് വിഷയമവതരിപ്പിച്ചു. മന്ത്രി ഇടപെട്ടതോടെ അധികൃതര് നിലപാട് മാറ്റുകയായിരുന്നു.
ഫര്ഹീനയ്ക്ക് പിതാവ് ചെറുപ്പത്തിലേ നഷ്ട്ടമായിരുന്നു. മെഡിക്കല് ഷോപ്പിലെ വരുമാനംകൊണ്ടാണ് മാതാവ് പഠിപ്പിച്ചിരുന്നത്. പ്രവേശനത്തിനായി സഹോദരനൊപ്പം ഡല്ഹിയിലെത്തിയ ഫര്ഹീന എംപിയുടെ വസതിയില് എത്തി നന്ദി അറിയിക്കുകയും ചെയ്തു.
പ്രധാനമന്ത്രി നേരിട്ട് ഏല്പിച്ച ദൗത്യമാണ് തന്റെ സ്ഥാനാര്ഥിത്വമെന്നും. നിരവധി പേര്ക്ക് സഹായമെത്തിക്കാന് എംപി എന്ന നിലക്ക് സാധിച്ചിട്ടുണ്ടെന്നും ഇനിയും അത് തുടരുമെന്നും അതുകൊണ്ടുതന്നെ ജനങ്ങള് തന്നോടൊപ്പം ഉണ്ടാകുമെന്ന് ഉറപ്പാണെന്നും കണ്ണന്താനംവ്യക്തമാക്കി.
https://www.facebook.com/Malayalivartha
