ഓപ്പറേഷന്‍ തൂഫാന്‍റെ ഭാഗമായി സംസ്ഥാന വ്യാപകമായി നടത്തിയ പരിശോധനയില്‍ 123 കേസുകളിലായി 141 പേര്‍ കൂടി അറസ്റ്റിലായി. ഇതോടെ ഓപ്പറേഷൻ ഭാഗമായി എടുത്ത കേസുകളുടെ എണ്ണം 7576 ആയി ഉയർന്നു. ആകെ 8142 അറസ്റ്റുകളാണ് ഇതുവരെ നടന്നത്. ഇതുവരെ പിടിച്ചെടുത്ത 6075.292 ഗ്രാം എം.ഡി.എം.എ.യും , 637.637 കി.ഗ്രാം കഞ്ചാവും, 3909.039 ഗ്രാം ഹാഷിഷ് ഓയിലും പിടിച്ചെടുത്തിട്ടുണ്ട്.

കഴിഞ്ഞ ദിവസം രജിസ്റ്റര്‍ ചെയ്ത കേസുകളില്‍ സ്മാള്‍ ക്വാണ്ടിറ്റി കൈവശം വച്ചതിന് 36 കേസുകളും മീഡിയം ക്വാണ്ടിറ്റി കൈവശം വച്ചതിന് നാല് കേസുകളും 27 എന്‍.ഡി.പി.എസ് ആക്ട് പ്രകാരം 83 കേസുകളും കോട്പ (COTPA) പ്രകാരം 62 കേസുകളും രജിസ്റ്റര്‍ ചെയ്തിട്ടുണ്ട്.

ഇവരില്‍ നിന്ന് 2.692 ഗ്രാം എം.ഡി.എം.എയും 5.889 കി.ഗ്രാം കഞ്ചാവും 0.76 ഗ്രാം ഹാഷിഷ് ഓയിലും 4.84 ഗ്രാം മെത്താഫെറ്റമിനും പിടിച്ചെടുത്തു. ഓപ്പറേഷന്‍ തൂഫാന്‍റെ ഭാഗമായി ഇന്നലെ മാത്രം സംസ്ഥാനത്തുടനീളം കേരള പോലീസ് 41 ബോധവത്ക്കരണ ക്ലാസുകള്‍ നടത്തി. ഇതുവരെ നടത്തിയ ആകെ ബോധവത്ക്കരണ ക്ലാസ്സുകളുടെ എണ്ണം 7507 ഉം കൗണ്‍സിലിങ്ങുകളുടെ എണ്ണം 402 ഉം ആണ്. സ്കൂള്‍, കോളേജ് പ്രൊട്ടക്ഷന്‍ ഗ്രൂപ്പുകളുടെ നേതൃത്വത്തില്‍ ആകെ 5681 ബോധവത്ക്കരണ പരിപാടികളും നടത്തി.