സാമൂഹികമാധ്യമത്തിലൂടെ പരിചയപ്പെട്ട ശേഷം പ്രായപൂര്‍ത്തിയാകാത്ത പെണ്‍കുട്ടിയെ ലൈംഗികമായി പീഡിപ്പിച്ച കേസിലെ പ്രതികള്‍ പിടിയിലായി . മുട്ടത്തറ സ്വദേശി വൈശാഖ് കുമാര്‍ (24), പത്തനംതിട്ട സ്വദേശി അഭിജിത് അശോക് (24) എന്നിവരെയാണ് കഴക്കൂട്ടം പോലീസ് അറസ്റ്റുചെയ്തത്.

ഒന്നാം പ്രതിയായ വൈശാഖ് താന്‍ മജീഷ്യനാണെന്നും മെന്റലിസ്റ്റ് ആണെന്നും മറ്റും പറഞ്ഞ് വിശ്വസിപ്പിച്ചാണ് പെണ്‍കുട്ടിയുമായി സമൂഹ മാധ്യമത്തിലൂടെ പരിചയപ്പെട്ടത്. ഒളിവില്‍പ്പോയ പ്രതികളെ കഴക്കൂട്ടം സൈബര്‍സിറ്റി അസി. കമ്മിഷണര്‍ ഷൈനു തോമസിന്റെ നേതൃത്വത്തിലായിരുന്നു അറസ്റ്റ്. പ്രതികളെ റിമാന്‍ഡ് ചെയ്തു.