സാമൂഹ്യമാധ്യമത്തിലൂടെ പരിചയപ്പെട്ട പ്രായപൂര്‍ത്തിയാകാത്ത പെണ്‍കുട്ടിയെ ഹോട്ടല്‍ മുറിയില്‍ അബോധാവസ്ഥയിലാക്കി ലൈംഗികമായി പീഡിപ്പിച്ച കേസിലെ പ്രതികള്‍ പിടിയില്‍. മുട്ടത്തറ സ്വദേശി വൈശാഖ് കുമാര്‍ (24), പത്തനംതിട്ട സ്വദേശി അഭിജിത് അശോക് (24) എന്നിവരെയാണ് കഴക്കൂട്ടം പോലീസ് അറസ്റ്റ് ചെയ്തത്. ഒന്നാം പ്രതി വൈശാഖാണ് പെണ്‍കുട്ടിയെ സാമൂഹ്യ മാധ്യമത്തിലൂടെ പരിചയപ്പെട്ടത്. തുടര്‍ന്ന് താന്‍ മജീഷ്യനും മെന്റലിസ്റ്റുമാണെന്ന് പ്രതി പെണ്‍കുട്ടിയെ വിശ്വസിപ്പിച്ചു. അതിനുശേഷം പെണ്‍കുട്ടിയെ ഹോട്ടല്‍ മുറിയിലേയ്ക്ക് കൂട്ടിക്കൊണ്ടു പോയി അബോധാവസ്ഥയിലാക്കി പ്രതികള്‍ പീഡിപ്പിക്കുകയായിരുന്നു. സംഭവത്തിന് ശേഷം ഒളിവില്‍ പോയ പ്രതികളെ കഴക്കൂട്ടം സൈബര്‍സിറ്റി അസിസ്റ്റന്റ് കമ്മീഷണര്‍ ഷൈനു തോമസിന്റെ നേതൃത്വത്തിലായിരുന്നു അറസ്റ്റ് ചെയ്തത്.